Minisitiri w’Intebe, Dr. Justin Nsengiyumva, yasabye ibihugu gushyira mu bikorwa ibyo byiyemeje mu kurengera ikirere, ashimangira ko intsinzi yabyo ikwiye gupimirwa ku mpinduka zigera ku baturage, zirimo kubafasha kubona uburyo bwo gukonjesha buhendutse kandi burengera ibidukikije.

Umuvugizi w’Umujyi wa Kigali, Emma Claudine Ntirenganya, yatangaje ko icyemezo cyo gufunga by’agateganyo inyubako 10 z’ubucuruzi zitujuje ibisabwa mu kwirinda inkongi z’umuriro cyafashwe mu rwego rwo kurengera ubuzima bw’abazikoreramo no gukumira ibyago bishobora guterwa n’inkongi.

Umubyeyi wo mu Murenge wa Mukingo, mu Karere ka Nyanza, yatawe muri yombi akekwaho gukorera iyicarubozo umwana we w’imyaka itanu, amutwika intoki n’umunwa amuziza kurya ibishyimbo bya 400 Frw yari yamutumye kugura.

Minisitiri w’Ubuhinzi n’Ubworozi, Dr. Ndabamenye Telesphore, yatangaje ko hari imishinga imishinga yo kuhira iri mu byiciro bitandukanye, izafasha u Rwanda kuhira ubuso burenga hegitari ibihumbi 50, ikazafasha igihugu kugera ku ntego yo kugeza ubuso bwuhirwa kuri hegitari ibihumbi 132 mu 2029.

Umugabo witwa Basil Mathane w’imyaka 48 yasanzwe yapfiriye mu ishyamba riherereye mu Mudugudu wa Gahinga, Akagari ka Kigenge, Umurenge wa Giheke mu Karere ka Rusizi, bikekwa ko yaba yaraguye mu mukingo ubwo yari atashye avuye mu mirimo ye, nyuma yo kugaragara asa n’uwasinze.

Sosiyete y’ubwishingizi ya Prime Insurance yatangaje ko igihembo yegukanye mu 2024 mu irushanwa ry’ubuziranenge rihuza ibigo byo mu bihugu bigize Umuryango wa Afurika y’Iburasirazuba (EAC), cyayifashije kunoza serivisi iha abakiliya, kwagura ikoreshwa ry’ikoranabuhanga no gutangiza imikoranire mishya n’ibindi bigo byo mu Karere.

Abadepite batangiye gutora umushinga w’itegeko ryerekeye inshingano, riteganya ko amafaranga y’ubukode ashobora kongerwa hashingiwe ku byo impande zombi zumvikanyeho mu masezerano cyangwa igihe nyir’ugukodeshwa yavuguruye icyakodeshejwe ku buryo agaciro kacyo kiyongera. Rinateganya igihe ubukode bugabanywa.

Umujyi wa Kigali watangaje ko inyubako 10 zitujuje ibisabwa mu kwirinda inkongi zigiye gufungwa by’agateganyo guhera ku wa Gatanu, tariki ya 6 Ugushyingo 2026, saa Moya z’umugoroba, kugira ngo zishyire mu bikorwa ingamba zo gukumira inkongi mu buryo bwihuse.

Simba Supermarket yasinye amasezerano y’ubufatanye n’Urugaga rw’Abavoka mu Rwanda, agamije korohereza abanyamuryango barwo guhaha binyuze mu kubagabanyiriza ibiciro by’ibicuruzwa ku mashami yose y’iki kigo hirya no hino mu gihugu.

Komisiyo y’Ubukungu n’Imari ya Sena yagaragaje ko nubwo hari intambwe imaze guterwa mu micungire y’imari n’umutungo bya Leta, bidakwiye kubona arenga miliyoni 475 Frw asesagurwa, n’andi menshi asohoka adafite inyandiko ziyaherekeza cyangwa ba rwiyemezamirimo bakishyurwa arenze ayo bagenewe.

Depite Mukabalisa Germaine yanenze uburyo zimwe muri serivisi zari zaregerejwe uturere zasubijwe ku rwego rw’Igihugu, ku buryo hari uturere dusigaye dusaba inzego zo ku rwego rw’Igihugu uruhushya rwo kugura ibikoresho byoroheje nk’ingwa zo mu mashuri cyangwa gusimbuza amatara ashaje.

Mu gihe hasigaye iminsi mike ngo hatorwe Umunyamabanga Mukuru w’Umuryango Mpuzamahanga w’Ibihugu bikoresha Igifaransa (OIF), Repubulika Iharanira Demokarasi ya Congo iri mu bikorwa byo gushaka kubuza Louise Mushikiwabo kongera gutorerwa kuwuyobora, birimo gusaba ko hahindurwa uburyo amajwi azabarwa.

Minisiteri y’Ubutegetsi bw’Igihugu (MINALOC) yatangaje ko igiye guhagurukira abayobozi bo mu nzego z’ibanze banga gukemurira abaturage ibibazo bakabasaba kubanza kubyandika ku rubuga Mbaza, kugira ngo bazagaragare nk’abakemuye ibibazo byinshi, aho gushyira imbere inyungu z’abaturage.

Ikigo cy’Igihugu gishinzwe Ubutaka, NLA, cyashyize ahagaragara inyandiko ivuguruye y’amabwiriza agenga ishyirwa mu bikorwa ry’ibishushanyo mbonera by’imikoreshereze y’ubutaka, igaragaza ibishobora gukorerwa kuri buri cyiciro cy’ubutaka, ibisaba kubanza kwemererwa n’ibibujijwe.

Ikigo cy’Igihugu gishinzwe Ubumenyi bw’Ikirere, Meteo Rwanda, cyatangaje ko mu minsi icumi ya mbere y’Ugushyingo 2026, mu Rwanda hateganyijwe imvura iri hagati ya milimetero 30 na 120, ikaba iri hejuru gato y’impuzandengo y’isanzwe igwa muri iki gihe cy’umwaka.

Bamporiki Edouard wahoze ari Umunyamabanga wa Leta muri Minisiteri y’Urubyiruko n’Umuco, yahawe ububasha bwo gutangira inshingano nshya nk’Umunyamabanga Nshingwabikorwa wa Unity Club Intwararumuri, nyuma y’umuhango w’ihererekanyabubasha wabaye ku wa 3 Ugushyingo 2026.

Abana babiri bo mu Karere ka Rubavu, umwe w’imyaka 11 n’undi w’imyaka irindwi, bari bamaze iminsi ine baburiwe irengero, basanzwe mu kidendezi cy’amazi barapfuye, mu gihe iperereza ryatangiye kugira ngo hamenyekane icyateye urupfu rwabo.

Perezida Kagame yagiranye ibiganiro n’abakuru ba za guverinoma z’ibihugu birimo  Antigua and Barbuda, Bahamas na Sri Lanka.

Perezida Paul Kagame yitabiriye umuhango wo gutangiza ku mugaragaro Inama y’Abakuru b’Ibihugu na za Guverinoma byo mu Muryango wa Commonwealth, CHOGM 2026, wabereye muri National Performing Arts Centre iherereye mu Mujyi wa St. John’s muri Antigua na Barbuda.

Umugore n'umukobwa bo mu Karere ka Karongi bitabye Imana nyuma yo kugwirwa n'ikirombe gicukurwamo amabuye y'ubwubatsi.