IBITEKEREZO BYUBAKA. IBIGANIRO MU BWUBAHANE.

Amahame agenga
ibitekerezo by’abasomyi

IGIHE ishishikariza abantu gutanga ibitekerezo byubaka ku mbuga zayo. Kugenzura ibitekerezo bigamije kurinda abakoresha izi mbuga, kubahiriza amahame y’ubwanditsi no gutuma ibiganiro bikorwa mu bwubahane, mu buryo bwemewe n’amategeko kandi biri mu nyungu rusange za rubanda.

Icyo kugenzura ibitekerezo bisobanuye muri IGIHE

Kugenzura ibitekerezo ni ugusuzuma ibitekerezo bitangwa n’abakoresha imbuga za IGIHE, kugira ngo harebwe niba byubahiriza amahame y’ubwanditsi ya IGIHE, amahame agenga umwuga w’itangazamakuru n’andi mategeko yose. Ibitekerezo binyuranyije n’aya mahame bishobora gukurwaho.

Uko IGIHE igenzura ibitekerezo

Ibitekerezo byose bitangazwa ku mbuga za IGIHE bisuzumwa bihoraho.

Ibitekerezo bigenzurwa nibura buri minota 15.

Buri munsi hashyirwaho umuntu ushinzwe kugenzura no gukosora inyandiko, ‘Copy Editor’, ugenzura ibitekerezo by’abasomyi.
Uwo muntu asuzuma niba ibitekerezo byubahiriza amategeko n’amabwiriza ya IGIHE, ndetse agakuraho ibinyuranyije na yo.

Ibitemewe mu bitekerezo

Ibitekerezo bishobora gukurwaho iyo:

Birimo imvugo z’urwango, ivangura cyangwa gushishikariza urugomo
Birimo ibitutsi, gutoteza cyangwa kwibasira umuntu.
Bikwirakwiza amakuru y’ibinyoma, cyangwa ayobya abantu
Bitesha agaciro umuntu, cyangwa ubumwe bw’Abanyarwanda n’imibanire myiza yabo
Birimo amagambo y’ibitera soni, ihohotera cyangwa ibindi binyuranyije n’amategeko.

Kubazwa inshingano no gukorera mu mucyo

Ibyemezo bifatwa ku bitekerezo byagenzuwe bishingira ku mahame n’ubushishozi bwa IGIHE.

IGIHE ifite uburenganzira bwo gukuraho nta nteguza igitekerezo icyo ari cyo cyose kinyuranyije n’amahame yayo.

Kugenzura ibitekerezo bigamije kurinda ubwisanzure mu biganiro, ntabwo ari kubuza abantu gutanga ibitekerezo cyangwa kunenga.