Inzu y’ubucuruzi ya Makuza Peace Plaza ahazwi nko "kwa Makuza" hafashwe n’inkongi mu gitondo cyo kuri uyu wa 3 Nyakanga 2024 yibasiye igihande kimwe cy'iyo nyubako.

Minisitiri w’Intebe wa Hongiriya, Viktor Orban, usanzwe ari inshuti ya Vladimir Putin w'u Burusiya, ari mu ruzinduko rwe rwa mbere muri Ukraine kuva intambara iyishyamiranyije n’u Burusiya yatangira muri Gashyantare 2022.

Minisitiri w’Ubutabera muri Repubulika Iharanira Demokarasi ya Congo, Constant Mutamba, yatangaje ko uzajya akenera icyangombwa cy’ubwenegihugu azajya abanza guhabwa uruhushya n’Ibiro Bikuru bishinzwe Iperereza n’Urwego rushinzwe Abinjira n’Abasohoka.

Minisiteri Ishinzwe Ibikorwa by’Ubutabazi (MINEMA) yasabye ko hongerwa ibikoresho byifashishwa mu kuzimya umuriro mu mijyi yunganira uwa Kigali kugira ngo hizerwe umutekano w'abaturage muri ibi bice bikomeza kwaguka no gukura.

Umuryango wa Perezida wa Leta Zunze Ubumwe za Amerika Joe Biden wamusabye kutivana mu bikorwa byo guhatanira umwanya w’Umukuru w’Igihugu na Donald Trump, nyuma yo kugaragaza intege nke mu kiganiro mpaka cyabaye tariki ya 28 Kamena 2024.

Imbaga y’abaturage batuye Akarere ka Nyamasheke n'inkengero zaho, bazindukiye ku Kibuga cya Kagano kuri uyu wa 29 Kamena 2024 mu gikorwa cyo kwamamaza Umukandida w'Umuryango FPR-Inkotanyi ku mwanya wa wa Perezida wa Repubulika, Paul Kagame, bamuvuga imyato ko ari we washoboye kubageza ku byari byarananiranye.

Abarimu 3,300 bo hirya no hino mu gihugu, ni bo bahuguwe mu cyiciro cya mbere cya gahunda yiswe Education Resilience Program [ERP] igamije kubaka uburezi bushingiye ku ikoranabuhanga, ndetse abanyeshuro ibihumbi 125 bakaba bamaze kugerwaho n’umusaruro w’iyo gahunda.

Umuryango mpuzamahanga ufasha abana, HHC [Hope and Homes for Children], Kaminuza y’u Rwanda ishami ry’ubuzima bwo mu mutwe na Africa Quantitative Science byafashije abakobwa bagera kuri 252 babyariye iwabo gukira agahinda gakabije.

Melinda French Gates wahoze ari umugore w’umushoramari wa Microsoft, Bill Gates, yagaragaje ko ashyigikiye Joe Biden ku mwanya wa perezida amwerekana nk’umukandida witaye ku bagore, ibintu Elon Musk yafashe nk’igitekerezo kibi cyane.

Umuganga wakoreye mu biro bya Perezida wa Leta Zunze Ubumwe za Amerika, Dr Ronny Jackson, yavuze ko Joe Biden akwiye gupimwa imiti yongera imbaraga mbere y’ikiganiro mpaka na Donald Trump.

Umunyeshuri wiga muri kaminuza ya Ateneo de Manila yo muri Philippines, Jack Lorenz Acebedo Rivero, yasabye Umushumba Mukuru wa Kiliziya Gatolika, Papa Francis, kureka amagambo yibasira umuryango urimo abaryamana bahuje ibitsina uzwi nka LGBTQ.

Umuyobozi akaba n’uwashinze umuryango w’Abanyafurika uharanira Amahoro no gukemura amakimbirane, OPPRC (Organisation Panafricaine pour la Paix et la Resolution de Conflits), Dr Abdoulaye Failatti, yavuze ko u Rwanda ari urugero rwiza rw’uko ubwiyunge bushoboka.

Leta ya Burkina Faso yahagaritse amezi atandatu televiziyo y’Abafaransa, TV5 Monde, iyica amande ya 82,000 $ kubera ikiganiro yatambukije ku mutekano w’iki gihugu wahungabanyijwe n’imitwe y’iterabwoba.

Urugaga rw’Abanditsi mu Rwanda, RWF (Rwanda Writers Federation) rufatanyije n’Umuryango Uharanira ukwigenga kwa Afurika, Pan African Movement ishami ry’u Rwanda, bateguye amarushanwa yo gusoma no kwandika ibitabo mu mashuri makuru na za kaminuza zo mu Rwanda agiye kuba ku nshuro ya gatatu.

Urukiko rwa Manhattan muri Leta ya New York kuri uyu wa 18 Kamena 2024 rwatesheje agaciro ubujurire bwa Donald Trump wabaye Perezida wa Leta Zunze Ubumwe za Amerika bwo kuvuga ku byaha 34 aherutswe guhamywa.

U Bubiligi bwahaye ubuhungiro Franck Diongo utavuga rumwe n’ubutegetsi bwa Perezida Félix Tshisekedi uyobora Repubulika Iharanira Demokarasi ya Congo (RDC).

Habonetse ibimenyetso bigaragaza ko Abagiriki bashinzwe umutekano ku nyanja ya Mediteranée bateje urupfu rw’abimukira barenga 40 mu gihe cy’imyaka itatu barimo icyenda bajugunywe mu mazi bigambiriwe.

Ubuyobozi bwa Radio ya Royal FM bwatangaje ko bwamaze kwinjiza muri studio zayo ikoranabuhanga ryifashishwa mu gutunganya amajwi n’amashusho kinyamwuga rikorwa n’ikigo cyo mu Budage cya LAWO.

Abahamya ba Yehova mu Rwanda bateguye ikoraniro ryitezweho gutangirwamo ubutumwa bwiza, butandukanye n’ubwo benshi bamaze igihe babona ku mbuga nkoranyambaga no mu itangazamakuru.

Kim Seok-jin uri mu itsinda ry’umuziki rya BTS ryamamaye mu njyana ya K-Pop muri Koreya y’Epfo no ku Isi yose, yarangije imyitozo ya gisirikare yari amazemo amezi 18, abafana 1000 bahabwa amahirwe yo kumuhobera.