Umuyobozi Mukuru ushinzwe Igenamigambi, Politiki n'Imbogamizi muri iyi minisiteri, Adalbert Rukebanuka, yavuze ko iki gikorwa gisaba ubufatanye hagati y'ibigo bya leta kugira ngo bagabanye ibyago bishobora gushyira ubuzima mu kaga.

Ati "Duhozaho ubufatanye na Polisi y’u Rwanda mu bikorwa byo gutabara. Ariko, dusaba ko umubare w'ibikoresho bizimya umuriro mu mijyi yegereye abaturage wongerwa uko iyo mijyi ikomeza kugenda itera imbere."

Aganira na The New Times, Umuvugizi wa Polisi mu Ntara y'Amajyaruguru, SP Jean Bosco Mwiseneza agendeye ku ngero zitandukanye z’inkongi zabaye mu Ntara y’Amajyaruguru, yavuze ko impanuka zituruka ku muriro zikomeza kubaho.

Ati "Impanuka zituruka ku muriro ziracyariho, kandi ingamba zo gukumira izo mpanuka zirimo gushyirwaho hashingiwe ku mpamvu zazo."

SP Mwiseneza yagaragaje imbogamizi zitandukanye mu kuzimya inkongi harimo kubura ibikoresho bihagije mu baturage, ubumenyi buke mu gukoresha ibikoresho bizimya umuriro, gutinda kumenyesha inkongi, gukoresha uburyo busanzwe bwo kuzimya umuriro, no kubura imodoka zihagije zo kuzimya umuriro.

Guverineri w'Intara y'Amajyaruguru, Maurice Mugabowagahunde, yemeye ko ibyago by'inkongi byiyongera kandi ashimangira akamaro ko guhugura abaturage.

Ati "Abaturage bacu bazi ibyago byo kutagira ibyuma bizimya umuriro mu nyubako zabo. Dukora ubukangurambaga mu baturage no mu nyubako za leta.

Mugabowagahunde kandi ashyigikiye igitekerezo cyo kubona imodoka nyinshi zo kuzimya umuriro, avuga ko umubare uriho udahagije.

Ati "Iki ni ikibazo gikomeye mu gihe cy’inkongi."