Abanyarwanda bahagarariye ibyiciro byihariye, birimo abagore, urubyiruko n’abantu bafite ubumuga, ku rwego rw’utugari bitabiriye amatora y’abazabahagararira mu Nama Njyanama ku rwego rw’umurenge.

Banki ya Kigali (BK) yatashye ku mugaragaro ishami rishya mu isoko rya RICO mu Karere ka Rubavu, mu kurushaho kwegera abakiliya bayo no kubafasha kwagura ibikorwa by’ubucuruzi n’ishoramari.

Urukiko rwisumbuye rwa Rubavu rwategetse Etincelles FC kwishyura Mukwaya Olivier wari umukozi wayo 1.770.000 Frw, nyuma yo gutsindwa urubanza rushingiye ku kuba yaramuhaye akazi ariko ikamwambura.

Banki ya Kigali yagaragaje ko izakomeza gufatanya n’abakiliya bayo mu Karere ka Musanze mu kwagura no kuvugurura ibikorwa byabo, birimo amashuri, ivuriro n’ubucuruzi no kubafasha kuzahura ishoramari ryahuye n’ibibazo.

Ku nkengero z’Ikiyaga cya Kivu mu Karere ka Rubavu, hari kubakwa hoteli ya Pasteur Bizimungu wabaye Perezida w’u Rwanda, izaba ifite inyenyeri enye, yitezweho gutwara hafi miliyari 10 Frw. Izaba ifite  icyumba cy’inama cyakira abantu 1000, restaurants enye n’ahantu ho kwicara hejuru y’inyubako, abahari bitegeye ikiyaga n’Ibirunga.

Ikigo gitanga serivisi z'ubwishingizi mu Rwanda SanlamAllianz General Insurance PLC, cyishyuye miliyoni zirenga 120 Frw abacuruzi umunani bakoreraga mu nyubako GOICO iherutse kwibasirwa n’inkongi y’umuriro mu Karere ka Musanze.

Lt Col Emilien Mpakaniye alias Che Guevara Jacob wigeze kurinda Gen Sylvestre Mudacumura wayoboye umutwe w’iterabwoba wa FDLR, yavuze ko mu binyoma byatumye amara imyaka irenga 20 mu mashyamba yo muri Repubulika Iharanira Demokarasi ya Congo harimo kubwirwa ko u Rwanda ari igihugu cyarazwe Abahutu bityo ko umunsi umwe bazarwisubiza.

Abana babiri bo mu Karere ka Rubavu, umwe w’imyaka 11 n’undi w’imyaka irindwi, bari bamaze iminsi ine baburiwe irengero, basanzwe mu kidendezi cy’amazi barapfuye, mu gihe iperereza ryatangiye kugira ngo hamenyekane icyateye urupfu rwabo.

Abikorera batandukanye bo mu ntara y’Amajyaruguru, beretswe amahirwe menshi yiganje yabafasha kwagura ubucuruzi bwabo ari mu gushora imari ku isoko ry’imari n’imigabane.

Kaminuza y'ubumenyingiro ya INES Ruhengeri yashyize ku isoko ry’umurimo abanyeshuri 1729 barimo 95 barangije amasomo y’icyiciro cya gatatu n’abandi 1634 barangije icyiciro cya kabiri.

Umugaba w'Ingabo zirwanira ku butaka, Maj Gen Vincent Nyakarundi, yasabye abasirikare basoje amasomo yabo mu Ishuri Rikuru rya Gisirikare rya Nyakinama, gukomeza gushyira imbaraga mu kurinda ubusugire bw’igihugu no kugendera ku ndangagaciro ziranga Ingabo z’u Rwanda.

Impanuka ikomeye y’imodoka zitandukanye yabereye mu Karere ka Musanze yapfiriyemo abantu batandatu, abandi 12 barakomereka.

Uruhare rw’Abanyarwanda ku Isoko ry’Imari n’Imigabane ry’u Rwanda (RSE) rwageze kuri 77%, mu gihe umubare w’abamaze gufunguza konti zo gukoreraho ibikorwa by’ishoramari ugeze ku bihumbi 300.

Urugaga rw’Abaforomo, Abaforomokazi n’Ababyaza mu Rwanda (RNMU) rwagaragaje ko umushahara utakijyanye n’ibiciro biri ku isoko, ubuke bw’abakozi n’amasaha y’ikirenga badahererwa ibihembo biri mu bibazo bikomeje kubangamira abakora uyu mwuga.

Minisitiri w’Ibikorwa by’Ubutabazi (MINEMA), (Rtd) Maj Gen Albert Murasira yabwiye imiryango 870 y’i Rubavu yasenyewe n'ibiza byatewe n’imvura muri Gicurasi 2023 ko inzu bahawe ari isezerano bari barahawe n'Umukuru w'Igihugu risohoye. Izi nzu zubatswe nyuma y'isezerano iyi muryango yahawe na Perezida Kagame ubwo yabasuraha tariki 12 Gicurasi 2023. Icyo gihe Umukuru w'Igihugu muri Rubavu by’umwihariko […]

Abaturage babiri bo mu Karere ka Rutsiro bakubiswe n’inkuba bahita bitaba Imana mu minsi ibiri ikurikiranye, ubwo imvura yagwaga mu bice bitandukanye by’Umurenge wa Musasa.

Tuyisenge Olivier wo mu Murenge wa Rambura mu Karere ka Nyabihu yakatiwe igifungo cya burundu nyuma yo guhamywa kuba icyitso ku cyaha cyo kwica umugore we biturutse ku bushake.

U Rwanda rwakiriye Abanyarwanda 384 bari barafashwe bugwate n’umutwe wa FDLR ukorera mu Burasirazuba bwa Repubulika Iharanira Demokarasi ya Congo, RDC.

Abagabo barindwi bo mu Karere ka Rutsiro bakekwaho gukorana n’ibihazi byayogoje abaturage batawe muri yombi