Minisitiri w’Ubucuruzi n’Inganda, Antoine Marie Kajangwe, yatangaje ko inyigo y’ahazubakwa uruganda rutunganya impu mu Karere ka Gicumbi yarangiye, ndetse Leta imaze kuganira n’abashoramari barenze batatu bashobora gushora imari muri uwo mushinga.

Minisitiri w’Ubuhinzi n’Ubworozi, Dr. Ndabamenye Telesphore, yatangaje ko hari imishinga imishinga yo kuhira iri mu byiciro bitandukanye, izafasha u Rwanda kuhira ubuso burenga hegitari ibihumbi 50, ikazafasha igihugu kugera ku ntego yo kugeza ubuso bwuhirwa kuri hegitari ibihumbi 132 mu 2029.

Komisiyo y’Ubukungu n’Imari ya Sena yagaragaje ko nubwo hari intambwe imaze guterwa mu micungire y’imari n’umutungo bya Leta, bidakwiye kubona arenga miliyoni 475 Frw asesagurwa, n’andi menshi asohoka adafite inyandiko ziyaherekeza cyangwa ba rwiyemezamirimo bakishyurwa arenze ayo bagenewe.

Minisitiri w’Ubucuruzi n’Inganda, Antoine Marie Kajangwe, yatangaje ko kuvugurura ibipimo by’ubuziranenge bw’inzoga zisembuye zikorerwa mu Rwanda bigeze ku musozo, hakaba hasigaye kubyemeza kugira ngo bitangire gukurikizwa.

Perezida Kagame yakiriye indahiro za Uwacu Julienne wagizwe Minisitiri w’Abakozi ba Leta n’Umurimo na Judith Uwizeye yasimbuye, we winjiye muri Sena y’u Rwanda.

Minisitiri w’Ububanyi n’Amahanga w’u Rwanda, Olivier Nduhungirehe, yagaragaje ko uburezi, ubuvuzi n’ikoranabuhanga rya nucléaire biri mu nkingi z’ubufatanye bw’u Rwanda n’u Burusiya, avuga ko u Rwanda rwasabye izindi buruse 100 ziyongera ku zo abanyeshuri 59 bahawe.

Komisiyo y’Imari n’Ubucuruzi mu Nteko Ishinga Amategeko Umutwe w’Abadepite yatangaje ko kugeza muri Gicurasi 2026, hari hamaze kwandikwa ibimina birenga 10.406 mu Gihugu hose bifite ubwizigame bungana na miliyari 43,4 Frw.

Perezida w’Ishyaka Riharanira Demokarasi no Kurengera Ibidukikije (DGPR), Dr. Frank Habineza, avuga ko mu myaka 17 ishize iri shyaka ritangiye, hari impinduka zabaye mu buryo Abanyarwanda bakira abatavuga rumwe n’ubutegetsi, ndetse bimwe mu bitekerezo ryatanze bikaza gushyirwa mu bikorwa na Leta.

Perezida Paul Kagame yatangaje ko inyungu z’ubwenge buhangano (AI) zizarushaho kwiyongera igihe buri wese azaba afite ijambo mu kugena ahazaza h’iri koranabuhanga, asaba ko hashakwa ibisubizo bifatika bituma rigirira abantu bose akamaro.

Minisitiri w’Ubuhinzi n’Ubworozi, Dr Ndabamenye Telesphore, yasobanuye ko ibura ry’amata ku isoko ryatewe n’ubwatsi bwabaye buke kubera izuba ryamaze igihe kirekire, mu gihe izamuka ry’ibiciro by’ibiribwa ryo rifitanye isano n’impamvu zitandukanye zirimo imihindagurikire y’ibihe yagabanyije umusaruro wari witezwe.

Minisitiri w’Ubuhinzi n’Ubworozi, Dr Ndabamenye Telesphore yatangaje ko abahinzi batangiye gukoresha amoko mashya y’ifumbire yakorewe mu Rwanda, hashingiwe ku bushakashatsi bwagaragaje imyunyungugu ibura mu butaka bwo mu bice bitandukanye by’Igihugu n’ikenerwa n’ibihingwa.

U Rwanda rwasabye Umuryango w’Abibumbye ko mu gihe Urwego rwasigariyeho Inkiko Mpuzamahanga Mpanabyaha, IRMCT, rwitegura gusoza imirimo yarwo, hashyirwa imbere kwimurira mu Rwanda ububiko bw’inyandiko z’Urukiko Mpuzamahanga Mpanabyaha rwashyiriweho u Rwanda, ICTR, no gukomeza gukurikirana abarenga 1000 bakekwaho uruhare muri Jenoside yakorewe Abatutsi bataragezwa imbere y’ubutabera.

Ubaze umwaka ku wundi, imyaka 10 irashize Umwami wa nyuma w’u Rwanda, Kigeli V Ndahindurwa atanze, kuko iyi nkuru yamenyekanye ku wa 16 Ukwakira 2016. Abaturage bo ku mayaga babayeho ku ngoma ya Mutara III Rudahigwa, wasimbuwe na Kigeli V Ndahindurwa batangaje ko yari umunyampuhwe, nubwo yategetse igihe gito.

Minisitiri w’Imari n’Igenamigambi, Yusuf Murangwa, yagaragaje ko kugabanyuka k’uruhare rw’ubuhinzi mu musaruro mbumbe w’igihugu bitavuze ko umusaruro wabwo ugabanyuka, ahubwo biterwa n’uko izindi nzego z’ubukungu zikura ku muvuduko uruta uwabwo.

Ikigo cy’Igihugu cy’Ubuzima (RBC) cyatangaje ko umubare w’abagore n’abakobwa bahabwa serivisi zo gukurirwamo inda mu buryo bwemewe n’amategeko ukomeje kwiyongera, aho mu mwaka wa 2025/2026 bageze ku 3.200, bavuye ku bari hagati ya 1.800 na 2.200 ku mwaka mu myaka yabanje.

Guverineri w’Intara y’Amajyaruguru, Mugabowagahunde Maurice yatangaje ko abantu 17 ari bo bajyanywe kwa muganga barimo babiri bakomerekejwe n’inkongi y’umuriro mu gihe abandi 15 bagize ikibazo cy’ihungabana, naho imibare y’ibanze ikagaragaza ko ibicuruzwa byahiriyemo byari bifite agaciro kabarirwa muri miliyari 30 Frw.

RwandAir ishobora kubona amahirwe yo kwagura ingendo, gutwara abagenzi n’imizigo ku masoko mashya, kugabanyirizwa imisoro ku bikoresho bimwe ikoresha no kugirana ubufatanye n’izindi sosiyete z’indege, nyuma y’uko u Rwanda rwemeje burundu amasezerano y’ubwikorezi bwo mu kirere rwagiranye na Algérie, Azerbaijan na Guyana.

Banki Nkuru y’u Rwanda (BNR) yatangaje ko ibikorwa by’uburiganya n’ubujura bikorerwa mu rwego rw’imari, birimo n’ibyifashisha ikoranabuhanga, byagabanyutseho 30% mu gihembwe cya kabiri cya 2026 (Mata-Kamena), bikagera kuri 2.879 bivuye kuri 4.128 byari byagaragaye mu gihe nk’icyo cya 2025.

Banki Nkuru y’u Rwanda yatangaje ko hari icyizere ko ibiciro ku masoko bizagabanuka by’umwihariko iby’ibikomoka kuri peteroli kuko uko ikibazo gitinda hagenda hashakwa inzira zo kunyuzamo ibyabangamiwe.

Banki Nkuru y’u Rwanda yatangaje ko amafaranga Abanyarwanda bizigamye mu mabanki n'ibigo by'imari yageze kuri miliyari 8000 Frw muri Kamena 2026, avuye kuri miliyari 7000 Frw muri Kamena 2025.