Umutwe wa FRN watangaje ko mu gitondo cyo kuri uyu wa Gatanu, tariki ya 6 Ugushyingo 2026, imirwano yongeye kubura mu bice bitandukanye byo mu Burasirazuba bwa Repubulika Iharanira Demokarasi ya Congo (RDC), aho ushinja ihuriro ry’ingabo za Leta ya Kinshasa kugaba ibitero ku duce dutuwe n’abaturage.

Tekereza umukozi umaze imyaka 10 akora mu ibaruramari, umunyamakuru umaze imyaka myinshi yandika inkuru cyangwa umukozi wa banki ushinzwe kwakira abakiliya. Bose bashobora kuba bafite uburambe mu byo bakora, ariko mu myaka mike iri imbere, hari imwe mu mirimo bakora buri munsi ishobora kujya ikorwa n’ikoranabuhanga mu minota mike.

Guverineri wa Banki Nkuru y’u Rwanda (BNR), Soraya Hakuziyaremye, yahawe igihembo cy’umugore w’indashyikirwa mu rwego rw’imari muri Afurika (African Woman in Finance Award), mu rwego rwo gushimira ubuyobozi bwe n’uruhare yagize mu guteza imbere urwego rw’imari no kugeza serivisi z’imari kuri bose.

Umujyi wa Kigali ugiye kwakira abanditsi, abasohora ibitabo, abashakashatsi n’abandi banyamwuga bo mu rwego rw’ubwanditsi baturutse mu bihugu bitandukanye bya Afurika, mu birori byo kwizihiza Umunsi Nyafurika w’Abanditsi.

Umugore w’imyaka 45 ukomoka muri Sudani y’Epfo ariko wari utuye muri Uganda, yishwe n’isasu ryaturutse mu mirwano yahuje imitwe ibiri ishamikiye ku mutwe w’inyeshyamba wa Sudan People’s Liberation Army-in-Opposition (SPLA-IO), hafi y’umupaka uhuza ibihugu byombi.

Perezida Paul Kagame yageze mu Mujyi wa St. John’s muri Antigua and Barbuda, aho yitabiriye Inama y’Abakuru b’Ibihugu na za Guverinoma bihuriye mu Muryango w’Ibihugu bikoresha Ururimi rw’Icyongereza (Commonwealth), izwi nka CHOGM, iteganyijwe kuva ku wa 1 kugeza ku wa 4 Ugushyingo 2026.

Umuvugizi wa Guverinoma y’u Rwanda, Yolande Makolo, yanenze abayobozi ba Repubulika Iharanira Demokarasi ya Congo bazenguruka amahanga bagerageza gutera icyuhagiro umutwe wa FDLR no gushinja u Rwanda, agaragaza ko ibyo bidashobora kugeza ku mahoro.

Guverinoma y’u Rwanda yashimangiye ko yiteguye gushyira mu bikorwa Amasezerano ya Washington agamije kugarura amahoro hagati yarwo na Repubulika Iharanira Demokarasi ya Congo (RDC), igihe icyo gihugu kizagaragaza ubushake bwo kubahiriza inshingano zacyo, by’umwihariko izijyanye no gusenya umutwe wa FDLR.

Perezida Paul Kagame yagize Bamporiki Edouard Umunyamabanga Nshingwabikorwa wa Unity Club Intwararumuri, mu gihe Uwacu Julienne yagizwe Minisitiri w’Abakozi ba Leta n’Umurimo, naho Dr Uwamariya Valentine agirwa Ambasaderi w’u Rwanda muri Suède.

Luiz Inácio Lula da Silva yongeye gutorerwa kuba Perezida wa Brésil muri manda ya kane, nyuma yo gutsinda Flávio Bolsonaro bari bahanganye mu matora yaranzwe n’ihangana rikomeye.

Polisi ya Kenya yatangiye gusuzuma ibyavuzwe n’Umusenateri Karen Nyamu, ukekwaho kugira uruhare mu guhimbira umwe mu bamushyigikiye mu bikorwa bya politiki icyemezo cy’amashuri yisumbuye, kugira ngo abashe kwinjira mu Ishuri rya Polisi.

Umuhanzi wo muri Nigeria, Temilade Openiyi, uzwi cyane nka Tems, yaciye agahigo ko kuba umuhanzi wo muri Afurika umaze igihe kinini ku rutonde rwa Billboard Hot 100 muri Amerika, abikesha indirimbo yakoze wenyine yitwa ‘What You Need’.

Umuyobozi wa Komisiyo y’Umuryango wa Afurika Yunze Ubumwe (AU), Mahmoud Ali Youssouf, yashimye amasezerano agamije kuzana amarushanwa y’imodoka za Formula 1 mu Rwanda, agaragaza ko ari intambwe ikomeye mu guteza imbere siporo muri Afurika no kugaragaza ubushobozi bw’uyu mugabane bwo kwakira amarushanwa mpuzamahanga akomeye.

Umugaba w’Ingabo za Nigeria zirwanira ku Butaka, Lt Gen Waidi Shaibu, ari mu Rwanda mu ruzinduko rw’akazi rugamije gushimangira ubufatanye hagati y’ingabo z’ibihugu byombi, by’umwihariko mu bijyanye n’amahugurwa no guhererekanya ubumenyi mu bya gisirikare.

Umuhanzi akaba n’umukinnyi wa filime w’Umunyamerika, Selena Gomez, yatangaje ko kunywa itabi ry’ikoranabuhanga rizwi nka e-cigarettes cyangwa vape, ririmo nicotine, byagize ingaruka ku ijwi rye, ritangira guhinduka uko ritari risanzwe ryumvikana.

Inyandiko bwite Papa Francis yagiye yandika muri ‘agenda’ ye mbere yo kuba Umushumba wa Kiliziya Gatolika no mu myaka yamaze ayiyoboye, zigiye gushyirwa ahagaragara bwa mbere mu gitabo kizatangazwa mu Ugushyingo 2026.

Minisitiri w’Ububanyi n’Amahanga n’Ubutwererane, Amb. Olivier Nduhungirehe, yanenze isubizwa rya Gen Maj Sylvain Ekenge ku mwanya w’Umuvugizi w’Ingabo za Repubulika Iharanira Demokarasi ya Congo (FARDC).

Leta ya Qatar yashimye icyemezo cy’u Rwanda n’u Bubiligi cyo gusubukura umubano w’ibihugu byombi ushingiye kuri dipolomasi no kongera gufungura ambasade zabyo, ivuga ko ari “intambwe nziza igaragaza ubushake bw’ibihugu byombi bwo gukemura amakimbirane binyuze mu biganiro no kumvikana.”