Nta gushidikanya ko imbuga nkoranyambaga nka WhatsApp, Facebook, Twitter n’izindi harimo n’ubutumwa bugufi (sms), ari imiyoboro izifashishwa n’abakandida mu kwiyamamaza mu matora ya Perezida wa Repubulika yo muri Kanama uyu mwaka, bamenyekanisha imigabo n’imigambi yabo bafitiye Abanyarwanda, dore ko ari uburyo bwemejwe ko bazisanzuriraho.

Ikigo cy’Igihugu gishinzwe guteza imbere ubuhinzi n’ubworozi (RAB) cyatangaje ko kirajwe ishinga no kongera umusaruro w’amata u Rwanda rubona ku buryo mu mwaka utaha wazaba ugeze kuri toni ibihumbi 800, uvuye kuri toni zisaga ibihumbi 700 uriho ubu kuko rugifite inka nyinshi zidatanga umusaruro uhagije.

Ubuyobozi bw’idini ya Islam mu Rwanda bwatangaje ko kuri iki Cyumweru tariki 25 Kamena ari bwo hari busozwe igisibo cy’ukwezi kwa Ramadan (Idd-el-fitri).

Mu imurikabikorwa ryakozwe n’ibigo bya leta byo mu bihugu bitandukanye by’umugabane wa Afurika mu rwego rwo gutanga serivisi, u Rwanda rwaje imbere rwiharira ibihembo byatanzwe mu byiciro bijyanye no gutanga serivisi zinoze.

Abasirikare babiri bakurikiranyweho kurasa umuturage witwa Ntivuguruzwa Aime Yvan agapfa, bagejejwe imbere y’ubutabera aho baburanishirijwe aho ibyaha bashinjwa byakorewe, mu Kagari ka Rwampala, mu rubanza rwitabiriwe n'abaturage benshi bo muri ako gace.

Nyuma y’ukwezi n’igice Ingabo z’u Rwanda zitangije icyumweru cyahariwe ibikorwa byazo bimaze kumenyerwa nka ‘Army Week’, zimaze gukora ibikorwa bikomeye by’umwihariko mu buvuzi bunyuranye aho intego zari zarihaye zamaze kuyirenza igikorwa nyir’izina kitararangira.

Urukiko Rwisumbuye rwa Gasabo, kuri uyu wa Kane tariki 22 Kamena, rwategetse ko Kimenyi Vedaste na bagenzi be bakurikiranyweho icyaha cyo konona no kunyereza umutungo wa leta mu Kigo cy’Igihugu gishinzwe Ingufu (REG), bafungwa by'agateganyo iminsi 30 kuko rusanga hari impamvu zikomeye zituma bakekwaho icyo cyaha.

Uwahawe akazi na Perezidansi y’u Bufaransa mu 2015 ngo ashungure inyandiko zigaragaza umubano wabwo n’u Rwanda hagati ya 1990-1995, agiye gushyira hanze amakuru akomeye yagizwe ubwiru, yerekana ubufasha iki gihugu cyahaye Leta yateguye ikanakora Jenoside yakorewe Abatutsi mu 1994.

Bizimungu Faustin ukurikiranyweho kwica umugore witwa Kayirangwa Nadine babyaranye, yagejejwe imbere y’Urukiko Rwisumbuye rwa Gasabo, kuri uyu wa Mbere, ahakana ibyo aregwa ashimangira ko na we yabuze umuntu w’intwari wamufashaga.

Kimenyi Vedaste na bagenzi be bakurikiranyweho icyaha cyo konona no kunyereza umutungo w’Ikigo cy’Igihugu gishinzwe Ingufu (REG), bagejejwe imbere y’urukiko rw’ibanze rwa Rusororo kuri uyu wa Mbere, bahakana ibyo baregwa basaba kurekurwa bagakurikiranwa bari hanze.

Perezida Paul Kagame yasabye polisi y’u Rwanda guhora irangwa n’ikinyabupfura mu mirimo yose ikora kugira ngo biyifashe kugera ku ntego yiyemeje zo kubungabunga umutekano.

Polisi y’u Rwanda yizihije isabukuru y’imyaka 17 imaze ishinzwe aho yahuriranye n’umuhango wo gusoza amahugurwa ya gipolisi yinjiza abapolisi 363 mu cyiciro cy’abofisiye bato.

Banki y’Ubucuruzi (CBA) y’Abanya-Kenya, yamaze kugura Crane Bank ishami ry’u Rwanda ryahakoreraga kuva mu 2014, nyuma y’aho iyo muri Uganda yahuye n’ibihombo byatumye igurishwa.

Ishyirahamwe ry’Umupira w’Amaguru mu Rwanda (Ferwafa) ryihanangirije amakipe ashobora gufatirwa mu bikorwa byo gutanga no kwakira ruswa mu gihe hasozwa imikino ya shampiyona y’uyu mwaka, ko bashobora guhanwa bikomeye.

Minisitiri w’Ingabo, Gen James Kabarebe, yibukije urubyiruko rw’Abanyeshuri basaga 500 biga mu mahanga n’imbere mu gihugu bitabiriye Itorero Indangamirwa icyiciro cya 10, ko abitanze kugira ngo babohore igihugu byabasabye kugendera ku ndangagaciro zinyuranye kugira ngo bagere ku muhigo bari bihaye wo kongera kugaruka mu gihugu cyabo bari barameneshejwemo n’ubuyobozi bwariho mbere.

Minisitiri w’Ingabo, Gen James Kabarebe yasabye abanyeshuri biga mu mahanga no mu Rwanda bari mu Itorero Indangamirwa icyiciro cya 10, guharanira icyateza imbere igihugu cyababyaye kuko bazagikenera nubwo batura mu bihugu by’amahanga.

Bamwe mu rubyiruko bavuga ko bamenye akamaro ko kwitabira gahunda za Leta ku buryo ubu bari mu ba mbere bazitabira kandi bakanazitangamo umusanzu ufatika mu gihe cy’itora rya Perezida wa Republika. Umuhoza Cynthia wo mu Kagari ka Agatare, Umurenge wa Nyarugenge, aba mu itsinda ry'urubyiruko rwo muri aka kagari, yagize ati “Urubyiruko rwinshi ruri kwitabira […]

Ishyaka En Marche! rya Perezida w’u Bufaransa, Emmanuel Macron, byitezwe ko ryigarurira imyanya myinshi mu Nteko Ishinga Amategeko nyuma y’amatora y’Abadepite yabaye muri iki gihugu rikaza imbere mu majwi nubwo ritagejeje asabwa ngo ryegukane intsinzi nta cyiciro cya kabiri cy’amatora kibayeho.

Perezida Kagame yibukije Abanyarwanda baba mu mahanga guharanira kwiteza imbere ubwabo n’igihugu cyabo muri rusange ariko bubakiye ku ndangagaciro z’igihugu kuko bitabaye bityo nta cyagerwaho.

Abacuruzi batandukanye bavuze ko banyuzwe n’uko ingengo y’imari y’umwaka wa 2017/18 yongerewe ndetse ikazibanda cyane mu bikorwa bakunda kwifashisha mu bucuruzi bwabo, bagahamya ko ibyo bizatuma ibyo bakora bitera imbere.