Ibikorwa byo kwiyamamaza ku bakandida batatu bifuza kuyobora u Rwanda muri manda itaha aribo; Kagame Paul, Dr. Habineza Frank na Mpayimana Philippe, birarimbanyije aho buri wese akomeje kuzenguruka igihugu ageza ku baturage imigabo n’imigambi ye kugira ngo bazamutore ku wa 4 Kanama 2017.

Hari abaturage bo mu Murenge wa Cyabakamyi mu Karere ka Nyanza bavuze ko bagiye bafatirwa indangamuntu zabo, bamwe kwa muganga, abandi mu nzego zibanze zinyuranye bakagira impungenge ko bishobora kubambura uburenganzira bwo gutora.

Abafite ubumuga bwo kutumva no kutavuga mu matora ya Perezida wa Repubulika 2017, ni kimwe mu byiciro byitaweho mu buryo budasanzwe yaba mu kubongerera ubumenyi kuri aya matora no kubafasha gusobanukirwa gahunda z’iterambere, abakandida babafitiye, kugira ngo bazatore basobanukiwe.

Kuri uyu wa Gatanu tariki ya 14 Nyakanga, nibwo abakandida batatu bahatanira umwanya w’umukuru w’igihugu batangiye ibikorwa byo kwiyamamaza, aho FPR yagaragaje ingufu zidasanzwe ugereranyije n’uko bimeze ku bandi bakandida bahanganye n’umukandida wayo.

Komisiyo y’igihugu y’amatora (NEC) yashwishurije abifuzaga ko yashyiraho uburyo bwo gutora bwafasha abanyarwanda bazaba barwariye mu bitaro, cyangwa bafite izindi mpamvu zitabemerera kugera ku biro by’itora ku munsi w’amatora ateganyijwe ku wa 3 no ku wa 4 Kanama 2017.

Komisiyo y’Amatora yanze kandidatire ya Nshimyimana [Shima] Rwigara Diane na Mwenedata Gilbert, kubera ko batanze imikono irimo iy’abantu bapfuye, ikintu gishobora gutuma bakurikiranwaho icyaha cy’impapuro mpimbano nkuko abanyamategeko babitangaza.

Harabura iminsi 28 gusa ngo Abanyarwanda baba mu gihugu no mu mahanga barenga miliyoni esheshatu berekeze ku biro by’itora bahitemo Perezida wa Repubulika y’u Rwanda uzabayobora mu myaka irindwi iri mbere, akabafasha gukomeza inzira y’iterambere.

Amateka y’amatora y’Umukuru w’Igihugu mu Rwanda ahanini atangirira kuri Kayibanda wayoboye igihugu kuva mu 1961 kugeza mu 1973 ubwo yahirikwaga ku butegetsi na Habyarimana Juvénal yari yarabyaye muri batisimu.

Nta gushidikanya ko imbuga nkoranyambaga nka WhatsApp, Facebook, Twitter n’izindi harimo n’ubutumwa bugufi (sms), ari imiyoboro izifashishwa n’abakandida mu kwiyamamaza mu matora ya Perezida wa Repubulika yo muri Kanama uyu mwaka, bamenyekanisha imigabo n’imigambi yabo bafitiye Abanyarwanda, dore ko ari uburyo bwemejwe ko bazisanzuriraho.

Bamwe mu rubyiruko bavuga ko bamenye akamaro ko kwitabira gahunda za Leta ku buryo ubu bari mu ba mbere bazitabira kandi bakanazitangamo umusanzu ufatika mu gihe cy’itora rya Perezida wa Republika. Umuhoza Cynthia wo mu Kagari ka Agatare, Umurenge wa Nyarugenge, aba mu itsinda ry'urubyiruko rwo muri aka kagari, yagize ati “Urubyiruko rwinshi ruri kwitabira […]