Abofisiye bakuru 24 baturutse mu bihugu bitandukanye basoje amahugurwa yo kubungabunga amahoro bari bamazemo iminsi mu Kigo cy'Igihugu cy'Amahoro, Rwanda Peace Academy, yitezweho kuba intandaro nziza yo kugarura no gusigasira amahoro mu bihugu bitandukanye cyane cyane ibirimo amahoro make.

EPC Africa, ikigo cy’ishoramari (investment) gihuza sosiyete zitandukanye cyagobotse abaturage 164 bo mu midugudu itatu y'umurenge wa Nyundo mu kagari ka Terimbere, Umurenge wa Nyundo, Akarere ka Rubavu; bahuye n'ibiza bari bakeneye ubufasha.

Uruganda rw'icyayi rwa Nyabihu rwashyikirije abaturage b'aka karere umuyoboro w'amazi meza, mu rwego rwo gukomeza kwimakaza imibereho myiza y'abaruturiye.

Ba ofisiye bakuru 35 bo mu bihugu 10 bya Afurika basoje amasomo bari bamazemo umwaka mu Ishuri rikuru rya Polisi riherereye mu Karere ka Musanze, mu muhango wabereye ku cyicaro cy'iri shuri kuri uyu wa 30 Kamena 2023.

Abanyeshuri bo muri za kaminuza n'amashuri makuru bari bamaze icyumweru mu Itorero i Nkumba mu Karere ka Burera, basoje imirimo yaryo kuri uyu wa Gatandatu biyemeza kwimakaza umuco w'ubutore mu bigo bigamo.

Minisitiri w’Uburezi Dr Valentine Uwamariya yasabye abanyeshuri kwirinda ibiyobyabwenge byugarije urubyiruko, ashimangira ko nta nyungu bishobora kubazanira uretse kubicira ubuzima gusa.

Abakozi b’uruganda rw’icyayi rwa Rubaya Tea Factory ruherereye mu Karere ka Ngororero, bibutse ku nshuro ya 29 Jenoside yakorewe Abatutsi by’umwihariko abahoze ari abakozi barwo biciwe muri uru ruganda, runaremera abayirokotse.

Umugabo wo mu Karere ka Musanze mu Murenge wa Nkotsi, yiyahuye arapfa nyuma yo gutema umugore we akamukomeretsa bikabije.

Abatuye Akarere ka Musanze bavuga ko igituma abana bafite ikibazo cy’igwingira ari benshi ari uko hari abagabo batita ku burere n’imikurire y’abana babyara, hakiyongeraho n’ubumenyi buke mu gutegura indyo yuzuye.

Abagize urugaga rw'abikorera mu karere ka Musanze bibutse abazize Jenoside yakorewe Abatutsi mu 1994, bubakira inzu umwe mu barokotse, abandi baboroza inka.

Abiteguye kurangiza igifungo cyabo bari mu igororero rya Musanze, cyane cyane abafungiwe ibyaha bya Jenoside bagaragaje ko gahunda ya “Mvura Nkuvure”, yababereye isoko yo kongera kuba abantu no komorana ibikomere n’abo bakoreye ibyaha.

Rukundo Ndahiriwe Laurent wakoraga isuku mu nyubako y’isoko rya Musanze rizwi nka GOICO, yapfuye ku gicamunsi cyo kuri uyu wa Kabiri ahitanywe n’icyuma gifasha kuzamuka no kumanuka muri iyi nyubako ‘Ascenseur’.

Abarerera mu Rwunge rw’amashuri rwa Mutagatifu François d'Assise, basanga buri mubyeyi yakagize uruhare mu kubaka iterambere ry’ikigo umwana we yigaho.

Urubuga Irembo rufasha abaturage gusaba serivisi ku ikoranabuhanga, rwatangije ubukangurambaga bwa ‘Byikorere’ bugamije gufasha abaturage kumenya kwisabira serivisi z'ibanze batagombye gushaka ababibafashamo ngo batakaze umwanya n’amafaranga.

Abakora uburaya mu bice byegereye Repubulika Iharanira Demokarasi ya Congo (RDC) birimo akarere ka Rubavu, bahamya ko amafaranga menshi amafaranga menshi bayakura muri iki gihugu, icyakora, Ikigo cy’Igihugu cy’Ubuzima (RBC) kigaragaza ko uku kwambuka imipaka bibangamira gahunda zo kurwanya ubwandu bw’agakoko gatera Sida.

Urukiko Rukuru, Urugereko rwa Musanze rwagize umwere Umuganga witwa Maniriho Jean de Dieu wari ukurikiranyweho icyaha cyo gusambanya Iradukunda Emerance w’imyaka 17 nyuma akanamwica.

Abana bafite impano yo gukina umupira w’amaguru bo mu miryango yibasiwe n’ibiza mu Ntara y’Iburengerazuba, batoranyijwe mu bazafashwa kuzamura impano zabo binyuze mu mushinga wa Tony Football Excellence.

Abafite ababo bazize Jenoside yakorewe Abatutsi bashyinguwe mu Rwibutso rwa Musanze, ahahoze ari ’Court d’Appel de Ruhengeri’, barasaba ko hazahindurwa inzu ndangamateka.

U Rwanda ni intangarugero ku ruhando mpuzamahanga mu kubungabunga urusobe rw’ibinyabuzima ndetse ubukerarugendo ni kimwe mu byinjiriza igihugu amadovize menshi, bituma byinshi mu bihugu biza kuhavoma ubumenyi.

Mu nteko z’abaturage n’ibindi biganiro bitandukanye mu duce tumwe tw’Intara y'Amajyaruguru, hakunze kugaragazwa ko ikibazo cy’ubusinzi mu bari n’abategarugori kiri mu bihangayikishije.