Amezi ane arashize Dr. Frank Habineza atsinzwe mu matora y’Umukuru w’Igihugu yabaye muri Nyakanga 2024. Icyakora, Ishyaka rya Democratic Green Party ryongeye kwisubiza imyanya ibiri mu Nteko Ishinga Amategeko, nubwo Habineza we atayisubiyemo.

Ukwezi kugiye gushira hasohotse Iteka rya Minisitiri w’Intebe rishyiraho sitati yihariye igenga abakozi b’amashuri y’uburezi bw’ibanze, ryagaragayemo impinduka nyinshi zirimo imyanya mishya mu mashuri, isuzuma ku bayobozi n’abarimu n’ibindi.

Ibyumweru bibiri birashize Minisiteri y’Uburezi (MINEDUC) ifatanyije n’Ikigo cy'Igihugu gishinzwe Ibizamini n'Ubugenzuzi bw'Amashuri NESA, batangaje amanota y’abanyeshuri bakoze ibizamini bisoza amashuri yisumbuye mu mwaka wa 2023/2024.

Arkiyepiskopi wa Kinshasa muri Repubulika Iharanira Demokarasi ya Congo, Cardinal Fridolin Ambongo, yishimiye uko yakiriwe akigera mu Rwanda kuri uyu wa Mbere tariki 25 Ugushyingo 2024.

Ubwo ingabo za FPR Inkotanyi (RPA) zatangizaga urugamba rwo kubohora u Rwanda tariki 1 Ukwakira 1990, Perezida Juvenal Habyarimana na Yoweri Museveni wa Uganda bari mu nama ya Loni i New York.

Icyumweru kirashize Justin Welby wari Umuyobozi w’Itorero Angilikani mu Bwongereza yeguye. Welby yeguye nyuma ya raporo idasanzwe, yagaragaje ko yahishiriye ibirego byo gusambanya abana b’abahungu byakozwe na John Smyth, Umumisiyoneri wahoze ari umuyobozi mu muryango wa gikristu witwa Iwerne Trust.

Inama y’Abaminisitiri yayobowe na Perezida Kagame kuri uyu wa Gatandatu, yashyize mu myanya abayobozi batandukanye barimo Dr. Pierre Damien Habumuremyi, Amb. Zaina Nyiramatama, Amb. Dieudonne Sebashongore, bagizwe abagize Inama y'Inararibonye mu Rubuga Ngishwanama rw'Inararibonye z'u Rwanda.

U Rwanda rubinyujije muri Jordanie, rwatanze inkunga yo gufasha abaturage bari mu kaga mu ntara ya Gaza, nyuma y’umwaka ako gace kibasiwe n’intambara.

Boris Johnson wahoze ari Minisitiri w’Intebe w’u Bwongereza, yahishuye uburyo yananiwe kumvikana na Perezida wa Uganda, Yoweri Museveni, ku ngingo yo kwamagana u Burusiya ubwo bari bari mu nama ya Commonwealth i Kigali.

Imyaka ibaye itatu umwuka hagati y’u Rwanda na Repubulika Iharanira Demokarasi ya Congo (RDC) umeze nabi, biturutse ku kubyutsa imirwano k’umutwe wa M23.

Tariki 14 Ugushyingo uyu mwaka, hazumvwa umwanzuro ku kirego giherutse kugezwa mu Rukiko rw’Ubutegetsi rwa Paris, rusaba ko Leta y’u Bufaransa ihamywa uruhare muri Jenoside yakorewe Abatutsi ikanatanga impozamarira ku bayirokotse.

Minisitiri w’Ubuzima, Dr Sabin Nsanzimana, yatangaje ko hamenyekanye inkomoko y’icyorezo cya Marburg cyibasiye u Rwanda, aho ubushakashatsi bwakozwe bwagaragaje ko cyaturutse ku ducurama.

U Rwanda rwaje ku mwanya wa 14 muri Afurika muri raporo isesengura imiyoborere myiza izwi nka Ibrahim Index of African Governance (IIAG), rushimirwa imbaraga zashyizwe mu gusigasira umutekano n’ituze rusange ry’abaturage n’iyubahirizwa ry’amategeko.

Umujyi wa Kigali uherutse kumurika umushinga mushya wiswe ‘Green City', ugamije kubaka amacumbi aciriritse kandi atangiza ibidukikije, azafasha mu kugabanya ubuke bw’amacumbi mu Mujyi wa Kigali ukomeje kwaguka amanywa n’ijoro.

Bamwe mu bangavu batewe inda imburagihe bakabyara bakiri bato, bagaragaje inyungu bakuye mu kudatereranwa ahubwo bagafashwa kwivana muri ibyo bihe, kuko byongeye kubaha icyerecyezo cy’ubuzima.

Mu mujyi wa Kigali guhera kuri uyu wa Kane tariki 10 Ukwakira, hari kuganirirwa uburyo bwakwifashishwa mu kongera umubare w’abakora ingendo z’indege n'ubukerarugendo, hagamijwe koroshya urujya n’uruza rw’abantu n’ibintu muri Afurika.

Joseph Kabila ni umwe mu mazina afite amateka muri Repubulika Iharanira Demokarasi ya Congo, nk’umwe mu bayoboye icyo gihugu ariko n’uwa mbere mu bakiyoboye wavuye ku butegetsi mu mahoro.

Minisitiri w’Ububanyi n’Amahanga w’u Rwanda, Olivier Nduhungirehe, yagaragaje imyitwarire mibi ya Repubulika Iharanira Demokarasi ya Congo mu nama iherutse kubera i Luanda muri Angola, aho telefone ya Perezida Tshisekedi yatumye ibyari byemejwe byose bihagarara.

Umuyobozi w’Itorero Redeemed Gospel Church mu Rwanda, Bishop Dr. Rugagi Innocent , ni umwe mu bari kuvugwa cyane muri iyi minsi, nyuma yo kuvugwaho kugura imodoka ya miliyoni 280 Frw, iby’ifungwa rya zimwe mu nsengero mu Rwanda, kubwira umunyamakuru ko nta bugingo azabona n’ibindi.

Harabura amezi make ngo Cléophas Barore yuzuze umwaka agizwe Umuyobozi Mukuru w’Ikigo cy’Igihugu cy’Itangazamakuru RBA. Ni umwanya yagiyeho nyuma y’igihe kinini ari umunyamakuru kuri icyo gitangazamakuru, kibumbiye hamwe ibinyamakuru bitandukanye bya Leta.