Pasiteri Harerimana Joseph, uzwi nka Apôtre Yongwe, yavuze ko yiyita Umunyamulenge kuko Abanyamulenge bamwakira nk’umwe muri bo, bakamusengera ndetse bakamuha amafaranga.

Itorero Zion Temple Celebration Center ryasabye imbabazi abaforomo n’ababyaza nyuma y’amagambo aherutse gukwirakwira ku mbuga nkoranyambaga, aho Umushumba waryo, Apôtre Paul Gitwaza, yumvikana avuga ko bamwe muri bo bashobora gukoreshwa na Satani mu gihe bafasha abagore kubyara.

Kiliziya Gatolika Paruwasi ya Kibungo yashyizeho misa yo gusaba Imana imvura mu gihe cy’icyumweru cyose, ikazajya iba muri buri gitondo.

Inyandiko bwite Papa Francis yagiye yandika muri ‘agenda’ ye mbere yo kuba Umushumba wa Kiliziya Gatolika no mu myaka yamaze ayiyoboye, zigiye gushyirwa ahagaragara bwa mbere mu gitabo kizatangazwa mu Ugushyingo 2026.

Abanditsi Shaliach Ntungwanayo na Rabbi Ruterana bamuritse igitabo gishya cyiswe “Isezerano rya Yehoshua: Amabanga ahishwe ya Yehoshua (Yesu) n’Isomero ry’Imana” kigamije gutuma abasomyi batekereza ku nkomoko y’ukwizera, inyandiko za kera n’amateka y’amadini.

Musenyeri wa Diyoseze ya Nyundo muri Kiliziya Gatolika, Anaclet Mwumvaneza, yagize Padiri Léonidas Habarugira Karekezi Igisonga cye, umwanya wari umaze iminsi udafite uwurimo nyuma y’urupfu rwa Musenyeri Jean Marie Vianney Nsengumuremyi.

Musenyeri Kalisa Atupenda Prince wimitswe nk’Umwepisikopi w’Itorero rya Lutheran Church of Rwanda, yiyemeje gufasha abayoboke kwigira batabayeho ku nkunga y’amahanga no guteza imbere ibikorwaremezo no kubafasha kwigira.

Arikiyepisikopi wa Kigali, Cardinal Antoine Kambanda, yasabye abakirisitu Gatolika n’abandi muri rusange kugaragaza urukundo rushobora kugera no kwitangira abandi, atanga urugero ku Munye-Congo wishwe azira kwanga ruswa ngo hinjizwe ibicuruzwa byarengeje gihe byashoboraga kugira ingaruka ku bantu benshi.

Arikiyepisikopi wa Kigali, akaba na Perezida w’Inama y’Abepiskopi mu Rwanda, Antoine Cardinal Kambanda, yasabye Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah, gukora ubuvugizi kuri kiliziya zimwe zafunzwe ariko zashyize mu bikorwa ibyo zasabaga, avuga ko kuba zarafunzwe bigora kugera ku rubyiruko no kurufasha mu buzima bw’imyemerere n’imyitwarire ikwiye.

Nyuma yo gusura Igororero ry’Abana rya Nyagatare akabona abana bato baba muri gereza hamwe n’ababyeyi babo, Umushumba wa Diyosezi Gatolika ya Byumba, Musenyeri Musengamana Papias, yasabye ko yahabwa aba bana akabarera.

Itorero rya ADEPR, Paruwasi ya Remera, ryafashije imiryango 196 yo mu Karere ka Gasabo yabanaga mu buryo budakurikije amategeko, gusezerana imbere y’Imana n’imbere y’amategeko, ibakorera n’ubukwe.

Minisitiri w’Intebe, Dr. Justin Nsengiyumva, yashimiye amadini n’amatorero uruhare yagize mu iterambere ry’u Rwanda mu myaka 32 ishize Jenoside yakorewe Abatutsi ihagaritswe, avuga ko nubwo bimeze gutyo hari ahagikenewe umusanzu wayo cyane cyane mu bikorwa byo kurwanya ubusinzi mu rubyiruko.

Umushumba wa Diyosezi Gatolika ya Gikongoro, Musenyeri Hakizimana Celestin yatangaje ko Kiliziya Gatolika y’u Rwanda iteganya gusubukura ibikorwa byo kwagura ahasengerwa i Kibeho bitarenze muri Nzeri 2026.

Ishuri Rikuru ry'Iyobokamana, ACT (Africa College of Theology (ACT) rikorera muri New Life Ministries ryahaye impamyabumenyi abanyeshuri 297 barangije amasomo y’ivugabutumwa, bibutswa gukoresha amasomo bahakuye mu guhindura imyumvire mibi muri sosiyete. Uyu muhango wabereye kuri New Life Bible Church, ahari icyicaro gikuru cya ACT mu Karere ka Kicukiro, ku wa 14 Kanama 2026. Mu basoje […]

Abakirisitu biganjemo abo muri Kiliziya Gatolika baturutse hirya no hino mu Rwanda no mu mahanga, bagiye kwizihiriza umunsi mukuru w’Ijyanwa mu Ijuru rya Bikira Mariya ku butaka butagatifu i Kibeho bizeye gusubizwa ibibazo bafite.

Itorero rya ADEPR ryatangaje ko ryanyuzwe n’icyemezo cya Leta cyo gufunga inganda zengega inzoga zitujuje ubuziranenge no guhagarika izatumizwaga mu mahanga, kuko isanga nta cyerekezo kizima gishoboka ku basinzi bafata n’ibiyobyabwenge.

Binyuze mu muryango ‘Women Foundation Ministries’, Itorero rya Noble Family Church ryatanze impano ya miliyoni 20 Frw zo gusana inzu z’abarokotse Jenoside yakorewe Abatutsi mu Rwanda mu 1994.

Umushumba wa Diyosezi ya Kabgayi, Musenyeri Ntivuguruzwa Balthazar, yavuze ko Kiliziya Gatolika mu Rwanda yiteguye kujyana n’aho Isi igeze mu gukwirakwiza ubutumwa, ku buryo nta kibazo abona mu kwifashisha injyana z’umuziki zakunzwe ndetse n’Ubwenge Buhangano (AI), kugira ngo ubutumwa bwayo bugere kuri benshi.

Umushumba wa Kiliziya Gatolika ku Isi, Papa Leo XIV yasabye abakora itangazamakuru bateraniye i Kigali gushyira imbere ukuri, kubaha agaciro ka muntu no gukoresha ikoranabuhanga mu buryo bugamije guteza imbere amahoro n’inyungu rusange z’abantu.

Umunyamabanga wa Komisiyo y’Itangazamakuru mu Nama y’Abepisikopi Gatolika mu Rwanda (CEPR) akaba n’Umuyobozi w’Ikinyamakuru Kinyamateka, Padiri Fidele Mutabazi, yatorewe kuba Perezida wa SIGNIS Africa, ihuriro ry’ibitangazamakuru bya Kiliziya Gatolika ku rwa Afurika.