Ishuri ry’imyuga n’ubumnyengiro ‘Nyanza Technical School’ ryatashye ku mugaragaro amacumbi y’abanyeshuri yubatswe n’imisanzu y’ababyeyi, yuzuye atwaye miliyoni 130 z’amafaranga y’u Rwanda.

Minisitiri w’Uburinganire n’Iterambere ry’Umuryango, Nyirasafari Esperance, yasabye abagore gukomeza gutinyuka imirimo ibateza imbere kabone nubwo hari ababaca intege mu mikorere yabo, bakarushaho kwitabira imyuga nk’inzira y’umurimo utanga akazi kabageza ku iterambere.

Ifungwa ry’insengero zitujuje ibyangombwa rimaze iminsi mu Mujyi wa Kigali ryamaze no kugera mu ntara, iziri mu mujyi wa Muhanga nazo ziri gushyirwaho ingufuri.

Mu biganiro mpaka ku ntandaro y’inda zitateguwe mu bakobwa byahuje abiga muri Kaminuza ya Gitwe n’abiga ibijyanye n’ubuvuzi mu zindi kaminuza hongeye kugaragazwa ibyemezo bidahwitse bifatwa n’abatwaye inda bibashyira mu kaga nko gukuramo inda.

Minisiteri y’Uburezi yemereye Ishuri ry’Imyuga n’Ubumenyingiro, Unique Academy ryo mu Karere ka Muhanga gukomeza kwakira abanyeshuri barigana nyuma y’ibyumweru bibiri ryari rimaze rihagaritswe nta masomo ahatangirwa.

Komite y’Urugaga rw’abikorera (PSF) mu Karere ka Muhanga yatangaje ko igiye kwita ku mishinga minini irimo amahoteli no kurangiza kubaka vuba isoko rya kijyambere rya Muhanga rizuzura ritwaye amafaranga miliyari 5.9.

Abafundi bagwiriwe n'umunara wa Kiliziya bubakaga mu Kagari Gasovu, Umurenge wa Rugendabari, Akarere ka Muhanga; babiri bahita bitaba Imana abandi 14 bajyanwa kwa muganga.

Ishuri ryigisha imyuga n’ubumenyingiro, Unique Academy, riherereye mu Karere ka Muhanga ryahagaritswe kubera kutuzuza ibisabwa, abanyeshuri baryigagamo basabwa gushaka aho bakomereza amasomo.

Imiryango 600 yo mu Mirenge ya Mushishiro na Rugendabari mu Karere ka Muhanga ishobora kongera gusezeranywa imbere y’amategeko nyuma yo kubura ibyemezo by’irangamimerere by’uko bashakanye mu buryo bwemewe n’amategeko.

Umuvunyi Mukuru, Murekezi Anastase, yasabye abaturage kumva no kunyurwa n’imyanzuro bahawe n’inzego z’ubuyobozi, bakirinda gusiragira mu nkiko ku bibazo byakemukira aho bari, abandi bakumva ko bizarangizwa n’Umuvunyi.

Mugisha Nsengiyumva Frank w’imyaka 12, wigaga mu kigo cy’amashuri abanza cya Saint André- Ruhina, giherereye mu Karere ka Muhanga, Umurenge wa Shyogwe, ni we waje ku isonga mu gutsinda ikizamini cya leta gisoza amashuri abanza.

Urugaga rw’abagore bo mu Muryango FPR-Inkotanyi mu Karere ka Muhanga bageneye isakaro imiryango 30 yo mu Murenge wa Shyogwe, izifashishwa mu gusakara ubwiherero bubakiwe.

Minisitiri w’Ubucuruzi n’Inganda, Vincent Munyeshyaka yabwiye abanyenganda ko bakwiye guhatana no gushakisha amasoko badategereje ko ari Leta iyabibakorera, icyakora abizeza ko izabunganira.

Ku nshuro ya gatandatu mu myaka 15 Ishuri Rikuru Gatolika rya Kabgayi (ICK) rishinzwe, ryongeye gutanga impamyabumenyi ku banyeshuri 380 barangije icyiciro kabiri cya kaminuza barangije mu myaka ya 2015 na 2016 mu mashami y’ubukungu, ishami ry’iterambere n’iry’itangazamakuru n’itumanaho.

Mu nama yahuje abayobozi b’amakoperative y’abahinzi b’imyumbati bo mu gice cy’Amayaga mu karere ka Ruhango n’uruganda rw’ifu y’imyumbati rwa Kinazi (Kinazi Cassava Plant), Umunyamabanga wa leta muri Minisiteri y’ubuhinzi, Nsengiyumva Fulgence yabasabye kuzahura umusaruro, abizeza ko Leta nayo izakomeza kubafasha uko ishoboye.

Hagamijwe kubumbatira amahoro no kuyasakaza mu bayagomba, Umuryango wita ku muco wo kubaka amahoro AEGIS-Trust wafunguye ishuri ryigisha amahoro mu Karere ka Karongi mu Ntara y’Iburengerazuba.

Kuba hagenda hagaragara impano zitandukanye mu mikino yitabirwa n’abana b’abakobwa biri mu byongereye ingufu abayobozi b’imikino mu mashuri yisumbuye, bavuga ko hagiye gushyirwaho uburyo bwihariye bwo gutoza no gukundisha abakobwa imikino itandukanye.

Hashize amezi agera ku munani abatuye mu Mirenge ya Nyabinoni,Rongi, Kiyumba na Kabacuzi yo mu misozi miremire ya Ndiza mu Karere ka Muhanga, bemerewe ko imirimo yo kubaka ibitaro bya Nyabikenke isubukurwa nyuma y’igihe isubitswe.

Abanyamabanga Nshingwabikorwa b’imirenge ibiri n’utugari dutatu mu Karere ka Muhanga n'abandi bashinzwe imirimo itandukanye beguriye rimwe kuri uyu wa Gatanu, tariki ya 29 Nzeri 2017.

Mu gihe umujyi wa Muhanga ubarirwa muri itandatu izunganira Umujyi wa Kigali, abawutuye basabwe guhindura imyumvire mu kubaka hakurikijwe igishushanyo mbonera cy’umujyi aho kimaze gutunganywa, aho kitaratunganywa bakubaka bakurikije amabwiriza.