Umuyobozi wa Komisiyo y’Itorero ry’Igihugu, Bamporiki Edouard, yashimiye abaturage bo mu Karere ka Nyarugenge bakomeje kwishakira ibisubizo binyuze muri gahunda y’isibo mu itorero ry’umudugudu.

Kigali Leading TVET yasezeye ku banyeshuri bayo batanu batsindiye buruse zo gukomereza amasomo yabo muri Kaminuza yo mu Birwa bya Maurice, ibasaba kuzahagararira u Rwanda neza no gushishikariza abo bazasangayo gusura ibyiza birutatse.

Perezida wa Kaminuza ya Columbia, Lee C. Bolinger, yatangaje ko bigoye kugira icyo umuntu avuga amaze kubona amahano yagwiriye u Rwanda muri Jenoside yakorewe Abatutsi mu 1994, gusa ashima intambwe rwateye mu kongera kwiyubaka.

Abanyeshuri bo muri Kaminuza y’Ubumenyingiro ya INES Ruhengeri basoje amahugurwa ku buryo bwo gukoresha amashusho mu buryo bugenda ‘mobile mapping’’ mu gushaka amakuru ku miterere y’isi by’umwihariko iy’imihanda, mbere y'uko itangira kurikoresha mu kwigisha.

Abarenga 1500 biganjemo urubyiruko rwasoje za Kaminuza, bitabiriye igikorwa cya Job Net gihuza abashaka akazi n’abagatanga, abarenga 234 bose bagaragaza ko bifuza gukora mu Kigo Inyange Industries Ltd.

Inzobere mu buvuzi ziturutse mu Bitaro Mpuzamahanga bya Medanta mu Buhinde, zizasuzuma Abanyarwanda indwara ya kanseri, umutima ndetse n’imtsi kugira ngo bamenye uko bahagaze babe banakwivuza uburwayi butarakomera.

Abanyarwanda batatu; Sesonga Poupoune, Ndayishimiye Modeste na Shema Deve bafite imishinga ya filimi yahize iyindi, bahawe ishimwe banatsindira amatike yo kuzitabira iserukiramuco rya filimi rizabera i Cologne mu Budage.

Abari mu ruganda rw’amajwi n’amashusho bakanguriwe kongera ubunyamwuga bwabo kugira ngo uru rwego rube andi mahirwe y’ishoramari u Rwanda rufite, bityo narwo rurusheho gutanga umusanzu mu iterambere ry’igihugu.

Imibare ya Minisiteri y’Ibikorwa remezo igaragaza ko mu Rwanda abaturage bangana na 83%, bifashisha ingufu zikomoka ku bimera mu guteka zirimo ibiti bigira uruhare mu kwangiza ibidukikije.

Kuwa Mbere w’iki cyumweru inkongi yibasiye inyubako z’Ishami ry’Umuryango w’Abibumbye ryita ku bagore mu Rwanda ziri mu Mujyi wa Kigali, gusa mukanya nk’ako guhumbya ibyuma bizimya umuriro by’ikigo DSPA, byarayicyashye ntihagira na gato kangirika.

Ikigo cy’Imari Iciriritse COPEDU Ltd cyamurikiye abatuye Intara y’Iburasirazuba inguzanyo nshya yitwa 'Umurabyo Uratinda', ihabwa umukiliya mu gihe kitarenze iminsi itatu nubwo yaba afite indi nguzanyo.

Mu gihe raporo nyinshi z’umugenzuzi w’Imari ya Leta zikunda kugaragaza amakosa mu micungire y’umutungo w’igihugu, amenshi muri aya makosa ntaterwa n’ubujura, ahubwo aturuka ku bunyamwuga buke bw’abakora ibaruramari.

Banki y’Ubucuruzi ya Kenya, Ishami ry’u Rwanda (KCB Rwanda), yatanze amabati afite agaciro ka miliyoni 12 Frw, ku miryango 50 yo mu Karere ka Ruhango, mu Murenge wa Mbuye iherutse gusenyerwa n’ibiza.