Ikigo gikora ibikoresho byo kuyungurura amazi mu Rwanda, Spouts of Water cyatangiye gutanga ibikoresho byifashishwa mu kuyungurura amazi yo kunywa ku baturage bo mu Karere ka Ngororero.

Abayobozi n’abakozi b’uruganda rutunganya ifu ikomoka ku myumbati (Kinazi Cassava Plant: KCP), bibutse ku nshuro ya 29 Jenoside yakorewe Abatutsi, baha icyubahiro inzirakarengane zishyinguwe ku Rwibutso rw'Akarere ka Ruhango ruherereye mu Murenge wa Kinazi.

Guverineri w'Intara y'Iburengerazuba Habitegeko François yibukije abatuye Akarere ka Rusizi ko nta terambere ryagerwaho hatari umutekano, abasaba kubana neza n'abaturanyi bo mu Burundi.

Bamwe mu bahinzi b’icyayi bo mu Karere ka Nyaruguru bavuze ko ubwo buhinzi bwabarinze gusuhuka bajya gushaka amahaho mu bindi bice by'igihugu kubera kubakirwa uruganda rutunganya umusaruro wabo ujyanwa ku isoko mpuzamahanga.

Ikigo cy'Igihugu cy'Imisoro n'amahoro cyibukije abaguzi ko mu gihe bagize icyo bahashye bakwiriye kwaka inyemezabuguzi ya EBM kuko byizewe ko iyo uyihawe uba ugize uruhare mu kwinjiza ayo mafaranga y'umusoro mu isanduku ya Leta.

Urubyiruko rusaga ibihumbi 2000 rw’abayoboke ba ADEPR Musambira ibarizwa mu Rurembo rwa Nyabisindu, rwasabwe kugira uruhare rufatika mu kwamagana abashaka kubitirira ibibi batagizemo uruhare kuko bibangiriza ejo habo heza bitewe n'ibikomere rwasanganye Abanyarwanda bafite bakuye muri Jenoside yakorewe Abatutsi mu Rwanda.

Umugenzuzi mu Rwego rw'Igihugu rw'Ubugenzacyaha (RIB), Mbabazi Modetse, yibukije abaturage ko badakwiriye kugira ikiguzi icyo aricyo cyose batanga kuri serivisi bemererwa n'amategeko kuko aribyo bibyara ruswa.

Banki Itsura Amajyambere y'u Rwanda (BRD) imaze gucanira abasaga 700 bo mu Karere ka Muhanga binyuze muri gahunda ya ‘Cana Challenge’ igamije gufasha guverinoma kugeza umuriro w’amashanyarazi kuri bose nk’intego u Rwanda rwihaye.

Abaturage bo mu karere Ruhango basabye ubuyobozi gukomeza kubavuna amaguru bakabegera aho batuye bagamije kubumva aho kubasiragiza ku biro.

Laboratwari y’u Rwanda y’Ibimenyetso bishingiye ku bumenyi n’ubuhanga byifashishwa mu butabera (RFL), yakoze ubukangurambaga bugamije kumenyekanisha imikorere n'inshingano z'ubuyobozi n'abaturage mu kubungabunga ibimenyetso by'ahabereye ibyaha kugira ngo bizabashe gutangirwaho ubutabera bunoze.

Minisitiri w'Urubyiruko n'Umuco, Rose Mary Mbabazi yakebuye bamwe mu rubyiruko bishora mu biyobyabwenge n’ubusinzi by’umwihariko abakobwa abanenga imyambarire itabubahisha.

Minisitiri w’Ibikorwa by’Ubutabazi, Kayisire Marie Solange, yabwiye abashoramari bo mu Karere ka Ngororero ko bakwiye guhangana n'ibiza cyane muri aka gace kari ku buhaname bwo hejuru.

Kuri uyu wa Kane, tariki 14 Nyakanga 2022, Urwego Bank Plc yizihije imyaka 25 ishize itangiye gutanga serivisi z’imari ku baturarwanda no kwishimira umusanzu wayo mu kubaka igihugu.

Umunyamabanga Mukuru Wungirije w'Urwego rw'Igihugu rw'Ubugenzacyaha (RIB), Kalihangabo Isabelle yaburiye urubyiruko rwizezwa ibitangaza mu bihugu by’amahanga, rimwe na rimwe bikarangira rushowe mu byaha birimo gucuruzwa.

Banki ya Kigali yahembye abanyeshuri babiri bitwaye neza mu gutsinda amasomo yabo mu bize mu Ishuri Rikuru Gatolika rya Kabgayi, ICK, ibaha igishoro kizabafasha guteza imbere ishoramari ryabo.

Umuyobozi w'Ishuri Rikuru Gatolika rya Kabgayi, ICK, Padiri Ntivuguruzwa Barthazar, yasabye abasoje amasomo guhanga udushya ndetse no kuribera abavugizi aho bari bityo uburere n'ubumenyi bahungukiye bikazabafasha kugera ku byo bifuza.

Guverineri w’Intara y’Amajyepfo, Kayitesi Alice, yifatanyije n’abaturage bo mu Murenge wa Shyogwe, Akarere ka Muhanga mu gikorwa cyiswe ‘Igitondo cy’Isuku’ aho bahura buri wa Kabiri bagasukura ahahurira abantu benshi nko mu dusantere tw’ubucuruzi.

Abarokotse Jenoside yakorewe Abatutsi mu Karere k'Amayaga mu yahoze ari Komini ya Ntongwe, ubu ni mu Karere ka Ruhango, baravuga ko Nsabimana Jacques wari umwalimu mu mashuri abanza yari yarateye intebe ku cyobo cyakuwemo imibiri ibihumbi 60.000 yajugunywemo muri Jenoside yakorewe Abatutsi mu 1994.

Umuyobozi w'Uruganda rutunganya ifu ikomoka ku myumbati rwa Kinazi (Kinazi Cassava Plant),Bizimana Jérôme yibukije abakiri bato ko bakwiye kwigira ku mateka, bagendera kure ababashora mu bibi.

Umunyamabanga Uhoraho muri Minisiteri y'Ubutegetsi bw'Igihugu, Dusengiyumva Samuel, yijeje Ubuyobozi bw'Akarere ka Nyanza ubufatanye mu bikorwa bitandukanye bamuritse bizibanda ku bukerarugendo bushingiye ku muco n'amateka bwiswe "Royal Nyanza, Rwanda's Cultural Hub", ishyirwa aka gace ku rwego rw'Igicumbi cy'Umuco.