Abayobozi b’amadini n’amatorero bibukijwe ko bemerewe kujya mu mitwe ya politike ariko babujijwe kuvugira imbere y’abayoboke babo ibijyanye n’amahame y’umutwe wa politike barimo, kuko kuvanga ibikorwa byayo n’iby’iyobokamana bihanwa n’amategeko.

Caporal Mwiseneza Jean Paul wari umucungagereza muri Gereza ya Nyarugenge yishwe ateraguwe ibyuma n’abantu bataramenyekana.

Mu kwezi kwa Gicurasi 2019 abana 22 bo mu Murenge wa Cyanika bajyanwe mu bitaro kubera ikibazo cy’imirire.

Abarokotse Jenoside yakorewe Abatutsi bo ku Kivugiza mu Karere ka Nyarugenge bavuga ko hari amazina y’abantu adateze kubava mu mutwe kubera ubugome ndegangakamere bari bafite muri Jenoside yakorewe Abatutsi.

Umuyobozi w'Ingabo mu Mujyi wa Kigali no mu Ntara y'Iburasirazuba, Gen Maj Mubarak Muganga, yavuze ko ingabo z’u Rwanda, zitazigera zirebera aho Jenoside yaba irimo gukorwa hose.

Umubitsi n’umucungamutungo ba Sacco Icyerekezo, bacyekwaho kunyereza miliyoni zisaga 29 Frw bari mu maboko y’Urwego rw’Igihugu rw’Ubugenzacyaha (RIB) i Kiyumba mu Karere ka Muhanga.

Abana bagizwe imfubyi muri Jenosdie yakorewe Abatutsi mu 1994, bari bacumbikiwe mu nyubako ya One Dollar Campaign, bagera kuri 73 bagiye gusezererwa muri ayo macumbi bajye kwibeshaho mu buzima bwo hanze.

Ikibazo cyo kugwingira n’imirire mibi mu bana, abajyanama b’ubuzima bo mu Karere ka Nyabihu biyemeje kukirwanya bivuye inyuma, bagenda urugo ku rundi bigisha ababyeyi uko bategura indyo yuzuye.

Mu Karere ka Rubavu hari abana basaga 280 bafite ikibazo cy’imirire mibi muri bo abagera kuri 49 bari mu ibara ry’umutuku.

Abagize imitwe ya Politike itandukanye mu Rwanda, bahamya ko itegeko ngenga n’andi mategeko agenga imitwe ya politike n’abanyapolitike mu Rwanda, ribafasha kwirinda ko hari amakimbirane yarangwa muri bo.

Ikigo cy’Igihugu cy’Ubwiteganyirize mu Rwanda kivuga ko 10% ry’inyemezabwishyu ihabwa n’abafatanyabikorwa bayo basaba kwishyurwa, ziba zirimo amanyanga.

Imibare ya 2015 igaragaza ko 38% by’abana bari munsi y’imyaka itanu mu Rwanda bagwingiye, abana 9% batari bafite ibiro bijyanye n’imyaka yabo, 3% bafite ikibazo cy’inzara mu gihe 78% by’abagore bonsaga abana bari hagati y’amezi 12 na 23 batafataga indyo yuzuye.

Itegeko rishya rigenga amadini n’amatorero mu Rwanda, ryasohotse umwaka ushize risaba kwerekana inkomoko y’umutungo wayo n’uburyo bawukoresha.

Abahinzi ba kawa bashyiriweho imbago batagomba kurenga bagurisha kawa, bakavuga ko bibateza igihombo kuko hari aho bagurirwa ku mafaranga menshi arenze ayo mu gace bashyiriweho babaguriraho.

Itsinda rya bamwe mu bakirisitu bo mu Itorero ADEPR bamaze iminsi batangije inkubiri yo gusaba ko ubuyobozi bwaryo bweguzwa.

Bizimungu Jean Damascène, umugenzuzi w’imari mu karere ka Rutsiro yatawe muri yombi akekwaho kwakira no gushaka gutanga ruswa ngo akingire ikibaba umuyobozi wa Koperative ivugwamo kunyerezwa k’umutungo w’abanyamuryango.

Kwishakamo ibisubizo ni imwe mu ndangagaciro abanyarwanda muri rusange bazingatiye by’umwihariko abatuye mu Kagari ka Mamfu mu Murenge wa Muhura biyemeje gutanga amafaranga agera kuri miliyoni 40 bakiyubakira Ibiro by’Akagari.

Ishami rya Polisi rishinzwe kugenzura ubuziranenge bw’ibinyabiziga, rigaragaza ko ku munsi umwe haboneka imodoka ziri hagati ya 60 na 80 zisohora umwuka uhumanya ikirere n’uwo abantu bahumeka.

Kubakisha ‘broque-ciment’ bisabwa abatuye Umujyi wa Kigali, ni ihurizo ku bafite amikoro aciriritse bakomeje gutakambira ubuyobozi basaba ko bakwemererwa no kubakisha amatafari ya rukarakara.

Mu bantu 569 bahoze mu mutwe wa FDLR barangije ingando i Mutobo mu Karere ka Musanze, muri bo 46 bagiye gukurikiranwaho uruhare bakekwaho muri Jenoside yakorewe Abatutsi muri Mata 1994.