Equity Group yegukanye Cogebanque Plc nyuma yo gushyira umukono ku masezerano yo kugura imigabane ingana na 91.93% yari ifitwe n'abanyamigabane barimo Guverinoma y'u Rwanda, Urwego rw'Ubwiteganyirize mu Rwanda (RSSB) na Sanlam.

Urukiko rw'Ubujurire rwategetse ko urubanza rwa Rtd Major Mudathiru Habib alias Musa na bagenzi be rwongera gupfundurwa, kubera ibimenyetso bishya byatanzwe n'Ubushinjayaha. Ni mu gihe rwagombaga gusomwa kuri uyu wa Gatanu.

Ikigo BasiGo kimenyerewe mu gutwara abantu hakoreshejwe bisi zikoresha amashanyarazi cyinjiye ku isoko ry’u Rwanda, aho imodoka zacyo za mbere zizakoreshwa mu gutwara abagenzi mu buryo bwa rusange mu Mujyi wa Kigali, guhera mu Ukwakira 2023.

Umubano w’u Rwanda n’u Bubiligi ukomeje kuzamo agatotsi, nyuma y’uko iki gihugu cyanze kwemeza Vincent Karega nka Ambasaderi w’u Rwanda, ngo asimbure Dr Sebashongore Dieudonné.

Umuryango w’ibihugu bikoresha Igifaransa, OIF, wemeje ko Umunyamabanga Mukuru wawo, Louise Mushikiwabo, atazitabira imikino ya Francophonie, izatangira ku wa Gatanu i Kinshasa muri Repubulika Iharanira Demokarasi ya Congo.

Imibare y’Ikigo gishinzwe mine, peteroli na gaz (RMB) yerekanye ko mu mezi atatu ashize u Rwanda rwohereje mu mahanga toni zirenga 6600 z’amabuye y’agaciro, zinjije miliyoni $362.3, ni ukuvuga asaga miliyari 420 Frw.

Umujyanama Mukuru wa Perezida wa Repubulika mu bya gisirikare n’umutekano, Gen James Kabarebe, yavuze ko Ingabo z’u Rwanda zitajya zihanganira imico mibi, ari nayo mpamvu abayobozi bitabiriye igikorwa cyiswe ibyo ‘Kwimika umutware w’Abakono’ bafunzwe.

Ikigo cy’Imisoro n’Amahoro (RRA) cyatangaje ko mu mwaka ushize w'Ingengo y'imari cyakusanyije umusoro ungana na miliyari 2332,3 Frw, kikaba cyarageze ku ntego ku kigero cya 103.3% kuko cyari cyasabwe gukusanya miliyari 2250,8 Frw.

Muri Nyakanga 2021 ni bwo Sanlam, Ikigo cya mbere kinini mu bwishingizi mu Rwanda, cyagize Betty Sayinzoga Umuyobozi Mukuru. Ubu imyaka ibiri iri hafi kuzura.

Urukiko rwisumbuye rwa Gasabo rwasubitse urubanza Ibuka yarezemo Kabuga Félicien ufungiwe i La Haye mu Buholandi ukekwaho ibyaha bya Jenoside, nyuma yo kutagera mu rukiko ndetse nta n'inyandiko igaragaza ko yamenyeshejwe ko yahamagajwe n'urukiko.

Imibare mishya y’ibarura iheruka kwerekana ko mu mwaka ushize, abanyarwanda basagaga miliyoni 13,2. Ubwo ryakorwaga, ryagaragaje ko nibura hafi kimwe cya kabiri cy’abaturage bafite hejuru y’imyaka 12, ni ukuvuga 49,2%, bashyingiwe.

Mu gihe gito kiri imbere, Equity Bank ibarizwa mu kigo Equity Group Holdings Plc cyo muri Kenya, ishobora gufata umwanya wa kabiri mu kugira isoko rinini mu Rwanda, nyuma yo kwegukana imigabane 91.93% muri Cogebanque Plc mu Rwanda.

Ingabo z’u Rwanda (RDF) zatangaje ko zababajwe n’urupfu rw’umwe mu basirikare bari mu butumwa bw’Umuryango w’Abibumbye bwo kugarura amahoro muri Centrafrique, MINUSCA, waguye mu gitero cyagabwe n’abantu bitwaje intwaro.

Urwego rwasigaranye imirimo y’inkiko mpuzamahanga mpanabyaha (IRMCT) rwatumije Kabuga Félicien mu nama ntegurarubanza ku wa 17 Nyakanga 2023, itariki ihuye n’iyo yahamagajwemo i Kigali mu rubanza yasabwemo indishyi ya miliyari ibihumbi 50 Frw

Perezida Paul Kagame yitabiriye isangira rijyanye no kwizihiza isabukuru y’Ubwigenge bwa Bahamas, ubusanzwe bwizihizwa buri mwaka ku itariki 10 Nyakanga.

Imyaka 29 irihiritse. Ni umwanya wo gusubiza amaso inyuma ku ntambwe zimaze guterwa nyuma yo Kwibohora mu rugamba rwashyize iherezo kuri Jenoside yakorewe Abatutsi, ingorane zabaye n’amasomo yashibutsemo.

Amabwiriza mashya y’Urwego rushinzwe Ubutasi ku Mari ateganya ko umuntu ugiye kunyura ku mupaka w’u Rwanda afite amafaranga cyangwa inyandiko mvunjwafaranga zifite agaciro kangana cyangwa karenze miliyoni 10 Frw, aba agomba kuba afite ibisobanuro byayo, bitabaye ibyo agakurikiranwa.

Perezida Paul Kagame aheruka gutangaza ko mu bibazo biri muri Mozambique, nibura 80% by’ikibazo byakemutse. Ni intambwe ikomeye imaze guterwa, kuva muri Nyakanga 2021 ubwo abasirikare n’abapolisi b’u Rwanda bahagurukaga bwa mbere, berekeza muri Mozambique.