Umunsi Mukuru wo gushimira Abasora b'indashyikirwa mu Burengerazuba wizihirijwe mu Karere ka Rusizi ku wa 12 Ugushyingo 2019. Ku nshuro yawo ya 17 wahawe insanganyamatsiko igira iti “Dusore neza, twubake u Rwanda twifuza”. Bamwe mu basora bo mu Ntara y'Uburengerazuba bavuga ko hari igihombo giterwa na bamwe mu bakinyereza imisoro binyuze mu bucuruzi bwa magendu […]

Urukiko rw'Ibanze rwa Nyakabuye mu Karere ka Rusizi rwatangiye kuburanisha Umuhuzabikorwa w’Urwego rwunganira inzego z’ibanze mu gucunga umutekano [DASSO] mu Murenge wa Gitambi n’Umunyamabanga Nshingwabikorwa w’Agateganyo w’Akagari ka Hangabashi bakekwaho gukubita abaturage bashinjwa n’abaturanyi babo kubarogera.

Abantu bane bakekwaho kuba mu mugambi wo guhungabanya umutekano mu Karere ka Rusizi ku wa 27 Ukwakira 2019 beretswe abaturage.

Ikoreshwa ry'ibiyobyabwenge, ubujura no kwijandika mu bindi bikorwa byahungabanya umudendezo wa rubanda, ni bimwe mu biri ku isonga bituma benshi mu rubyiruko bajyanwa mu bigo ngororamuco birimo n'ikiri ku Kirwa cya Iwawa mu Karere ka Rutsiro.

Polisi y’u Rwanda yerekanye abantu bane bakekwaho kuba mu mugambi wo guhungabanya umutekano mu Karere ka Rusizi barimo n’uheruka gutera grenade mu Mujyi wa Kamembe.

Abaturage bo mu Karere ka Rusizi basabwe gukoresha inzira zemewe bajya cyangwa bava muri Repubulika Iharanira Demokarasi ya Congo kuko kunyura ahatemewe bishobora gushyira ubuzima bwabo mu kaga birimo kwitiranwa n’abanzi cyangwa bakaba bahura n’ingaruka zo kwandura icyorezo cya Ebola cyibasiye RDC.

Abahinzi b'ibihingwa bitandukanye bikenerwa cyane mu bucuruzi bwambukiranya imipaka hagati y'u Rwanda na Repubulika Iharanira Demokarasi ya Congo ku ruhande rw'Akarere ka Rusizi basabwe guca ukubiri n'umuco wo kugurisha imyaka itarera [ibyitwa kotsa imyaka] kuko biteza igihombo.

Abasaza n’abakecuru batujwe mu rugo rw’impinganzima mu Karere ka Rusizi bagaragaza ko nyuma y’amezi abiri bahatujwe basubiranye icyizere cy'ubuzima mu gihe benshi bari barihebye kubera imibereho bari bafite.

Ndungutse Charles wari utuye mu Karere ka Nyamasheke yasanzwe ku muhanda yitabye Imana, bikekwa ko yaguye munsi y’ikiraro yahanukiyemo avuye mu kabari.

Abaturage bo ku Kirwa cya Kirehe giherereye mu Murenge wa Macuba mu Karere ka Nyamasheke bagaragaje ko bakigorwa no kubona serivisi z’ubuvuzi by’umwihariko mu masaha y’ijoro.

Abaturiye Ikiyaga cya Kivu mu Mirenge ya Kanjongo na Macuba mu Karere ka Nyamasheke bagaragaje ko imwe mu mpamvu zituma abana bava mu ishuri ari ingendo ndende bakora ahanini zinyura mu mazi.

Inyubako ikorerwamo ubucuruzi mu Mujyi rwagati wa Kamembe mu Karere ka Rusizi yafashwe n’inkongi ku mugoroba wo kuri uyu wa 2 Nzeri 2019, bimwe mu bicuruzwa byari biyirimo birashya.