Urwego rw’Umuvunyi rwashyize ahagaragara urutonde rw’abantu 53 bamaze guhamwa n’ibyaha bya ruswa mu gihembwe cya mbere 2019-2020, ukurikiranyweho ruswa y’amafaranga menshi ni miliyoni 123, naho uwa make ni ibihumbi bibiri by’amafaranga y’u Rwanda.

Lazarus Chakwera utaravugaga rumwe n’ubutegetsi muri Malawi, ubu niwe watorewe kuyobora iki gihugu atsinze Peter Mutharika wari Perezida kuva mu 2014.

Ishami ry’Umuryango w’Abibumbye ryita ku Buzima, OMS, ryatangaje ko mu gihe abanduye Coronavirus muri Leta Zunze Ubumwe za Amerika bari 40 540 ku wa Cyumweru, kuri uyu wa Mbere habonetse ubundu bwandu bushya ibihumbi 44 734 naho 346 barapfa.

Ibigo by’imari byatangiye kugaragariza abanyamigabane babyo ko batazahabwa inyungu za 2019 nk’uko byari bisanzwe, ni mu rwego rwo gukomeza kubungabunga umutungo wabyo kubera ingaruka byatewe n’icyorezo cya Coronavirus.

Umutwe witwaje intwaro wa FDLR ukorera mu mashyamba yo muri Repubulika Iharanira Demokarasi ya Congo, urashinjwa kwica abaturage babiri ugakomeretsa abandi benshi, mu gitero wagabye mu gace ka Lulenge muri Fizi, ho mu Ntara ya Kivu y'Amajyepfo.

Ishami ry’Umuryango w’Abibumbye ryita ku Buzima, OMS, rigaragaza ko abandura coronavirus muri Leta Zunze Ubumwe za Amerika bakomeje kwiyongera, nyuma y’aho kuri iki Cyumweru habonetse abanduye bashya 40 540 abandi 285 barapfa.

Ishyaka rishya riri ku butegetsi muri Ghana (NPP), ryatoranyije Nana Akufo-Addo uyobora iki gihugu nk'umukandida uzarihagararira mu matora ya Perezida wa Repulika azaba mu Ukuboza uyu mwaka.

Inzego z’ubuzima muri Leta Zunze Ubumwe za Amerika, zatangaje ko abantu batatu bo muri leta ya New Mexico bapfuye undi umwe arahuma burundu nyuma yo kunywa umuti usukura intoki ‘Hand Sanitizer’.

Ikigo gishinzwe kugenzura no gukumira indwara muri Afurika (Africa CDC), cyabwiye ibihugu bya Afurika ko bigomba kwitonda no kwitegura imibare mishya y’ubwandu bwa coronavirus, nyuma yo kugenda byoroshya gahunda yo kuguma mu rugo.

Ibihugu bigize agace ka Schengen, byatangaje ko bishobora kongera gufungura imipaka yabyo tariki 1 Nyakanga, gusa ibyinshi mu bihugu byo ku mugabane wa Afurika ntibyashyizwe ku rutonde.

Ambasade y’u Rwanda mu Buhinde, yatangaje ko hari Abanyarwanda n'abanyamahanga bakorera mu Rwanda bagera ku 130 baheze muri iki gihugu, nyuma y’aho ingendo zo mu kirere zihagaritswe kubera icyorezo cya Coronavirus, ubu bakaba bagiye gucyurwa mu Rwanda.

Ishami ry’Umuryango w’Abibumbye ryita ku Buzima, OMS, ryatangaje ko icyorezo cya coronavirus gikomeje kongera ubukana ku Isi, nyuma y’aho kuri uyu wa Gatanu habonetse ubwandu bushya 193 316.

Urukiko rwisumbuye rwa Gasabo rwasubitse isomwa ku ifungwa n’ifungurwa mu rubanza ruregwamo rwiyemezamirimo witwa Uwemeye Jean Baptiste ufite Sosiyete ya ECOAT, akaba akurikiranyweho gukoresha inyandiko mpimbano zatumye yishyurwa ibikorwa atakoze mu gusana umuhanda Muhanga-Karongi.

Ubuyobozi bw’abinjira n’abasohoka mu Mujyi wa Lubumbashi muri Repubulika Iharanira Demokarasi ya Congo, bwirukanye Ababiligi batandatu bashinjwa gukoresha amagambo arimo ivanguraruhu.

Ishami ry’Umuryango w’Abibumbye ryita ku Buzima, OMS, ryagaragaje ko ubwandu bushya bwa Coronavirus bukomeje kwiyongera muri Leta Zunze Ubumwe za Amerika na Brésil, aho buri gihugu cyagize abanduye barenga ibihumbi 40 umunsi umwe.

Guhera muri Mutarama 2021, Abanyarwanda bazaba bari mu byiciro bishya by’ubudehe bisimbura ibyagenderwagaho kuva mu 2016/2017; mu byavuguruwemo harimo ko umunyeshuri uzajya ahabwa ‘buruse’ ari uwagize amanota meza aho gushingira ku cyiciro cy’ubudehe abarizwamo.

Ikigo cy'Igihugu gishinzwe Igororamuco (NRS) kivuga ko zimwe mu mpamvu zikomeje gutera ibibazo bibangamira umuryango Nyarwanda harimo uburaya n’ibiyobyabwenge mu rubyiruko usanga akenshi biterwa na bamwe bumva ko batakora ahubwo ko bazabona ibyo batavunikiye.

Minisitiri w'Uburezi, Dr Uwamariya Valentine, yatangaje ko badashobora gutegeka ibigo by’amashuri yigenga gufata inguzanyo zo guhemba abarimu, cyane ko mu gihe cyo kuzishyura iba itazabifasha uwo mutwaro w’amadeni.

Minisiteri y’Ubuzima yatangije gahunda yo gupima abantu abakuze ari nabo bafite ibyago byinshi byo kuzahazwa n’icyorezo cya coronavirus, iyi gahunda ikaba irimo kubera mu karere ka Rusizi mu Ntara y’u Burengerazuba.

Uwahoze ari Perezida wa Leta Zunze Ubumwe za Amerika, Barack Obama, yafashije mu gikorwa cyo gukusanya miliyoni 7.6 z'amadolari ya Amerika mu baterankunga bagera ku bihumbi 175, yo kwamamaza Joe Biden uhagarariye ishyaka ry’Aba-Democrates mu matora ya Perezida azaba mu Ugushyingo uyu mwaka.