{Umunyarwandakazi w’umucuruzi Jackie Uwera Nsenga wishe umugabo wagonze n’imodoka umugabo we Juvenal Nsenga Kananura agapfa, abatangabuhamya bakomeje muri iki Cyumwru dushoje kumushinja ko yamwishe abishaka nubwo we yagaragaje ko yamugonze by’impanuka.}

Uwera ashinjwa kugongera umugabo we Uwera mu rugo kuwa 10 Mutarama 2013.

Nk'uko itangazamakuru muri Uganda ryabitangaje, muri iki Cyumweru dusoje Ubushinjacyaha mu rukiko bwavuze ko Uwera yatashye mu rugo ahagana saa tatu za nimugoroba, atwaye imodoka No. UAL 933M. Ageze ku muryango w’igipangu, umugabo yaje gukingura, umugore ahita yongera umuriro w’imodoka aramugonga, imutura hirya kure y’umuryango.

Ibyo byanashimangiwe na Sergeant John Bosco Munaku, ukuriye iperereza ku habereye icyaha, yavuze ko basanga imodoka yari ifite umuvuduko wa kirometero 45 ku isaha, bigaragaza ko imodoka yari ifite umuvuduko udasanzwe ku muntu winjira mu rugo.

Munaku yongeyeho ko amapine yanagaragaje ko imodoka yongerewe umuriro igahita yihuta.

Sebukwe wa Uwera, Nsenga, Donati Kananura, yabwiye urukiko ko umuhungu we mbere y’uko apfa ya,mubwiye ko umugore we yamugonze ku bushake. Byongeye kandi muri iyo minsi umuriro warakaka mu mibanire yabo, kugeza aho bari batakiryama mu cyumba kimwe.

Mu rubanza rwa Uwera hari abatangabuhamya bagera kuri 20 bategereke kumushinja.

Urubanza ruzongera gusubukurwa kuwa 18 Nyakanga 2014.

Ubwo umugabo we yashyingurwaga, Uwera n’agahinda kenshi yavuze ko yishe umugabo we by’impanuka.