Senateri Natasha Akpoti-Uduaghan wahagaritswe amezi atandatu mu mirimo y’inteko yavuze ko iki gihano gifitanye isano no kuba yarashinje perezida wa Sena ya Nigeria gukora ihohotera rishingiye ku gitsina, nubwo icyemezo yafatiwe kivuga byaturutse ku myitwarire mibi mu mirimo y’inteko ishinga amategeko.

Ku wa 22 Nyakanga 2025, imodoka y’uyu musenateri n’abari bamuherekeje bangiwe kwinjira mu Ngoro y’Inteko Ishinga Amategeko i Abuja.

Akpoti-Uduaghan uri mu bagore bane bari muri Sena ya Nigeria igizwe n’abantu 109, yavuze ko umwanzuro w’urukiko rukuru rwategetse ko yemererwa gusubira mu kazi, ariko Perezida wa Sena, Godswill Akpabio, yavuze ko urukiko rutagomba kwivanga mu mikorere y’inteko.

Akpoti-Uduaghan yakumiriwe mu mirimo ya Sena ya Nigeria muri Werurwe 2025, amaze kuvuga ko yakorewe ihohoterwa rishingiye ku gitsina.

Perezida wa Sena, Godswill Akpabio, yajuririye urukiko rw’ubujurire avuga ko ubutabera budakwiye kwivanga mu mikorere y’urwego nshingamategeko.