Nyuma yo kungurana ibitekerezo na bagenzi be, Idris Deby yemeje ko aba bakurikira aribo bagize iryo tsinda:

Hari Perezida wa Mauritania Mohamed Ould Abdel Aziz, Perezida Jacob Zuma w’Afurika y’Epfo, Perezida Macky Sall wa Senegal, Perezida Ali Bongo Ondimba wa Gabon na Minisitiri w'Intebe wa Ethiopia, Hailemariam Desalegn.

Nk’uko bigaragara mu itangazo rigara ku rubuga rw’akanama gashinzwe amahoro n’umutekano ka AU, abo bayobozi bahagarariye buri gice cy’Afurika uhereye mu majyaruguru ukajya mu majyepfo, iburengerazuba, Afurika yo hagati ndetse n’iy’Iburasirazuba.

Intego nyamukuru y’iri tsinda ni ukubonana n’abayobozi ba Guverinoma y’u Burundi baganire ku migendekere y’ibiganiro ndetse n’iyoherezwa ry’umutwe w’ubutabazi (MAPROBU), biramutse byemewe na Guverinoma y’u Burundi.

Bikaba biteganijwe ko babonana mu mpera z’iki cyumweru.