Uyu mudugudu ugizwe n’inzu zatujwemo imiryango 120 harimo imiryango 80 yahawe inzu zifite ibyumba bibiri byo kuraramo n'uruganiriro, imiryango 40 ihabwa inzu z'icyumba kimwe cyo kuraramo n'uruganiriro. Izi nzu zose zikubiye mu nyubako eshatu z'amagorofa.
Muri uyu mudugudu kandi hubatswe irerero rifite ubushobozi bwo kwakira abana 150, agakiriro gafite ahantu hakorera abanyabukorikori 80, isoko rito rifite ibibanza byo gucururizamo 126, ivuriro rito, ahantu hagenewe kororerwa inkoko 7200, ubutaka bwo guhingamo imboga n'imbuto bungana na hegitari 4,8.
Hubatswe kandi ibikorwaremezo bizafasha abatuye muri uyu mudugudu nk'imihanda ya kilometero 3,4 ifasha abari imbere mu mudugudu kugenderana, ibigega by'amazi, ibibuga byo gukiniraho n’ibindi.
Muri rusange mu mwaka w'ingengo y'imari wa 2022/2023, ibikorwaremezo bijyanye no kwibohora byubatswe hirya no hino mu gihugu byatwaye miliyari 122,1 Frw.
Amacumbi agezweho yubatswe hirya no hino yatwaye miliyari 35 Frw, amavuriro yatwaye miliyari 31,2 Frw, amashuri yatwaye miliyari 11,6 Frw, ibindi byatwaye miliyari 6,5 Frw.
Ibitekerezo 0