Iyi tombola yayobowe n’Umunyamabanga Mukuru wungirije wa UEFA, Giorgio Marchetti, ari kumwe n’Umurusiya Andrey Arshavin nka Ambasaderi w’irushanwa ry’uyu mwaka w’imikino wa 2021/22 rizasorezwa i St Petersburg.

Yasize Paris Saint-Germain y’abakinnyi barimo Lionel Messi, Kylian Mbappé na Neymar izahura na Manchester United ya Cristiano Ronaldo muri 1/8 kizakinwa hagati ya Gashyantare na Werurwe 2022.

Messi na Ronaldo bakundaga guhura bagikinira FC Barcelone na Real Madrid muri Espagne na nyuma ubwo uyu Munya-Portugal Cristiano yari muri Juventus.

Villarreal yabanje gutombola guhura na Manchester United, ariko kuko zari mu itsinda rimwe, yongera gutombola, ihuzwa na Manchester City.

Undi mukino wa 1/8 uzaba utegerejwe na benshi ni uzahuza Atlético Madrid yo muri Espagne na Bayern Munich yo mu Budage.

Uko tombola yagenze:

• Benfica vs Real Madrid
• Villarreal vs Manchester City
• Atlético Madrid vs Bayern Munich
• Red Bull Salzburg vs Liverpool
• Inter Milan vs Ajax
• Sporting Lisbon vs Juventus
• Chelsea vs Lille
• PSG vs Man United

Imikino ibanza izaba tariki ya 14&15, 22&23 Gashyantare mu gihe iyo kwishyura iza tariki ya 8&9, 15&16 Werurwe 2022.