Jose Mourinho yagizwe umutoza mushya wa Tottenham Hotspur F.C.

Yanditswe na Ndayikunda Josué
Kuya 20 Ugushyingo 2019 saa 09:49
Yasuwe :
0 0

Umunya-Portugal José Mourinho yagizwe umutoza mushya wa Tottenham nyuma y’amasaha make iyi kipe yirukanye Mauricio Pochettino washinjwaga umusaruro muke.

Mourinho w’imyaka 56 waherukaga kwirukanwa na Manchester United mu Gushyingo 2018, yahise ahabwa amasezerano azamugeza mu 2023 atoza iyi kipe yo mu majyaruguru y’umujyi wa Londres.

Yatoje amakipe atandukanye ku mugabane w’Iburayi arimo Chelsea, Real Madrid, Inter de Milan, Sporting Lisbon na Manchester United aheruka kwirukanwamo. Uyu mutoza azwiho gutwara ibikombe aho yagiye anyura hose, gusa agashijwa kwima umwanya abakiri bato.

Uyu mugabo uzwiho kutaripfana afite akazi gakomeye dore ko asanze ikipe idahagaze neza kugeza ubu, aho iri kubarizwa ku mwanya wa 14. Biteganyijwe ko umukino we wa mbere azatoza Tottenham kuri uyu wa Gatandatu ubwo izaba icakirana na West Ham.

Umwe mu bigeze gukinira ikipe ya Liverpool akanayibera kapiteni, Jamie Carragher yari yaciye amarenga avuga ko Mourinho ari umutoza w’ibikombe, ibyo Tottenham yabuze kubwa Pochettino.

Ati “Niba José ashaka akazi, wowe icyo ureba ni narumugabo ye (CV). Abantu benshi bagaruka ku buryo yitwaye muri Manchester United ariko ubundi mu mwuga we ni umutoza wageze kuri byinshi, ibyo Tottenham yaburaga.”

Harry Redknapp wigeze gutoza Tottenham we yavuze ko Mourinho atazumvikana n’umuherwe Daniel Levy bitwe n’uko Mourinho we akunda gushora amafaranga menshi ku bakinnyi b’amazina akomeye, mu gihe Levy we icyitwa gushora amafaranga menshi adakunze kugikozwa.

José Mourinho yasimbuye Pochettino muri Tottenham FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza