Namungo FC yirukanye Hitimana Thierry

Yanditswe na Eric Tony Ukurikiyimfura
Kuya 18 Ugushyingo 2020 saa 12:37
Yasuwe :
0 0

Umutoza w’Umunyarwanda, Hitimana Thierry, yirukanywe na Namungo FC yo mu cyiciro cya mbere muri Tanzania, kubera umusaruro muke.

Hitimana Thierry yafashije Namungo FC kuzamuka mu cyiciro cya mbere, ndetse isoreza mu myanya itanu ya mbere mu mwaka ushize w’imikino.

Nk’umutoza mu cyiciro cya mbere, yayitoje imikino 38 mu mwaka w’imikino wa 2019/20, aho yatsinze 17, anganya 13 mu gihe yatsinzwe imikino umunani, asarura amanota 64.

Muri uyu mwaka w’imikino wa 2020/21, iyi kipe izahagararira Tanzania mu mikino Nyafurika ya CAF Confederation Cup ntabwo iri kwitwara neza, aho iri ku mwanya wa cyenda n’amanota 14 mu mikino 10 imaze gukinwa.

Uyu musaruro muke afite muri Shampiyona ni wo washingiweho n’ubuyobozi bwa Namungo FC, mu gufata icyemezo cyo kwirukana Hitimana Thierry nk’uko bigarukwaho mu itangazamakuru ryo muri Tanzania.

Umukino wa mbere wa Namungo FC mu mikino Nyafurika uzaba hagati ya tariki ya 27 n’iya 29 Ugushyingo, aho izakira Al Rabita yo muri Sudani y’Epfo kuri Azam Complex Stadium.

Bivugwa ko Hitimana ashobora gusimbuzwa Hemed Morocco, wabaye umutoza wa Mbao FC mu mwaka ushize w’imikino.

Umutoza Hitimana Thierry yatandukanye na Namungo FC yo muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .