Bamwe byabarenze bibagirwa ko ari Guma mu Rugo! Uko Abanyarwanda bakiriye intsinzi y’Amavubi muri CHAN 2020

Yanditswe na Eric Tony Ukurikiyimfura
Kuya 27 Mutarama 2021 saa 02:03
Yasuwe :
Yavuzweho:
0 0

Intsinzi ikipe y’Igihugu ‘Amavubi yabonye kuri Togo muri CHAN 2020 iri kubera muri Cameroun, yashimishije bikomeye Abanyarwanda b’ingeri zose, bamwe bava mu buriri bajya mu muhanda bakenyeye Essuie-main, bajya kwifatanya n’abandi muri ibyo byishimo bidasanzwe.

Ijoro ryo ku wa 26 Mutarama rishyira ku wa 27 Mutarama, ntiryari risanzwe ku Banyarwanda hafi ya bose, baba abakurikira iby’umupira w’amaguru ndetse n’abatawukunda.

Ibitego byo kwishyura byatsinzwe na Niyonzima Olivier ‘Seif’ na Tuyisenge Jacques byahagarukije bamwe, na bo bakangura abari mu bitotsi, ariko icyatsinzwe na Sugira Ernest cyishimiwe bidasanzwe kuruta uko umwaka mushya wa 2021 wishimiwe kubera icyorezo cya COVID-19.

Amavubi yaherukaga gutsinda umukino uwo ari wo wose muri Nzeri 2019, yongeye gushimisha Abanyarwanda mu buryo budasanzwe, aho bamwe mu bo mu Mujyi wa Kigali uri muri gahunda ya Guma mu Rugo, bigabije imihanda, abandi baguma mu ngo zabo, bose intero ari imwe, baririmba Amavubi yabahaye ibyishimo ntagereranywa.

Mu bice bitandukanye by’Igihugu by’umwihariko muri Kigali nko ku Gisozi, humvikanye abavuzaga akaruru, vuvuzela nyinshi, ingoma z’urwungikane, amajerekani n’amasafuriya byavuzwaga mu gihe ku Kimisagara, bamwe bagiye mu muhanda bafite ibendera ry’Igihugu bishimira intsinzi u Rwanda rwaboneye muri Cameroun. I Nyamirambo, byari umwihariko kuko amagana y’abantu bahuriye mu muhanda, bamwe bikuramo imyenda yo hejuru, bajya mu muhanda baririmba mu majwi aranguruye bishimira intsinzi.

Ibyishimo byahereye i Limbe, ubwo Ikipe y’Igihugu yari imaze gutsinda Togo mu mukino wa nyuma wo mu itsinda C, abakinnyi, abatoza n’abandi bose babaherekeje, bahuriye mu rwambariro baririmba bati “Burya umugabo ni usohoza ubutumwa bw’abamutumye.”

Amasaha make mbere y’uko Amavubi ajya muri uyu mukino, yabanje kugezwaho ubutumwa n’impanuro za Perezida wa Repubulika, Paul Kagame, wasabye abakinnyi gukinira hamwe, bagashaka ibitego.

U Rwanda na Namibia ni byo byari bigeze ku mukino wa Kabiri bitarinjiza igitego mu izamu muri iri rushanwa rya CHAN 2020 riri kuba ku nshuro ya gatandatu, ariko rwinjije ibitego bitatu mu mukino umwe.

Abanyarwanda batandukanye babinyujije ku mbuga nkoranyambaga zitandukanye basutse amarangamutima yabo nyuma y’intsinzi ihambaye, u Rwanda rwabonye nyuma y’igihe kirekire, abakunzi ba ruhago banyotewe kwishima.

Umukobwa wa Perezida Kagame, Ange Kagame, ni umwe mu bashimishijwe n’intsinzi y’Ikipe y’Igihugu, ashyira kuri Twitter utumenyetso tw’umutima dutatu turi mu mabara y’ibendera ry’Igihugu, akurikizaho ijambo ‘Amavubi’.

Bernard Makuza wigeze kuba Minisitiri w’Intebe na Perezida wa Sena y’u Rwanda, yashimiye Amavubi ku buryo yakinnye nk’indwanyi.

Ati “Mwakoze cyane Amavubi, mwerekanye ishyaka ryo guhangana kugira ngo mubone iyi ntsinzi. Mukomeje muri ¼ mubikwiye. Umutoza yakoze ku mahitamo y’imikinire. Dutewe ishema namwe.”

Minisitiri wa Siporo, Munyangaju Aurore Mimosa, yagize ati “Umugabo ni usohoza ubutumwa bw’abamutumye. Imana yari yamaze gutaha i Rwanda.”

Ku rundi ruhande, Minisiteri ya Siporo yibukije Abanyarwanda ko bakwiye kwishimira intsinzi y’Amavubi ariko bazirikana kwirinda COVID-19.

Yagize iti “Turashimira Amavubi ku bw’intsinzi ahaye u Rwanda. Tuributsa Abanyarwanda bose muri rusange kubahiriza ingamba n’amabwiriza yo kwirinda COVID-19.”

Gutsinda uyu mukino, byahesheje Amavubi gukomeza muri 1/4, aho azahura n’ikipe izaba iya mbere mu itsinda D rigizwe na Zambia, Guinea na Tanzania.

Niyonzima Olivier na Tuyisenge Jacques bishimira igitego cya mbere cyo kwishyura
Buri mukinnyi w'Amavubi ashobora guhabwa hafi miliyoni 8 Frw nibasezerera Guinea muri 1/4 cya CHAN 2020 iri kubera muri Cameroun'
Bayisenge Emery na Niyonzima basatira rutahizamu wa Togo
Byiringiro Lague yagoye abakinnyi ba Togo mu gice cya mbere
Abakinnyi ba Togo bishimira igitego cya Yendoutie Nane
Sugira Ernest yatsinze igitego cyafashije Amavubi gukomeza muri 1/4
Abakinnyi b'Amavubi n'abandi bose bajyanye, bashimiye Imana nyuma yo gutsinda Togo
I Nyamirambo, abantu b'ingeri zitandukanye bagiye mu muhanda bishimira intsinzi y'Amavubi
Barimo n'iyonka, Abanyarwanda mu bice bitandukanye by'Igihugu bagiye mu muhanda bishimira intsinzi
Bamwe bari bitwaje utujerekani bagenda bakubita
Kwamamaza
Kwamamaza

Izindi nkuru wasoma

Inkuru ziheruka - Football

Amavubi yerekeje i Nyamata atarabona ibisubizo bya COVID-19 (Amafoto)
07/03/21 - 05:12
Mamelodi Sundowns yashyize iherezo ku gahigo k’imikino 74 TP Mazembe itatsinzwemo mu rugo
07/03/21 - 09:06
Mashami yahamagaye abakinnyi 31 batarimo Djihad ku mikino ya Mozambique na Cameroun
06/03/21 - 02:30
Intego za Cassa Mbungo umaze kuba umutoza w’icyumweru inshuro eshatu muri Kenya
06/03/21 - 10:46
Abayobozi ba Musanze FC bakingiwe COVID-19
06/03/21 - 10:00
Harabura iminsi 100 ”Euro 2020” igatangira kwerekanwa kuri StarTimes
06/03/21 - 07:40
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Inkuru zamamaza

SOMA IBINDI

Amatangazo

SOMA IBINDI

IGIHE Documents

SOMA IBINDI

Kwamamaza

Kwamamaza

SkyScraper

Kwamamaza

SkyScraper

Kwamamaza

SkyScraper

Kwamamaza

SkyScraper

Kwamamaza

SkyScraper

Kwamamaza

SkyScraper

Kwamamaza

Kwamamaza

Kwamamaza

Special pages
. . . . . .

Contact us

Marketing : 0788 89 59 53
Editor : 0788 27 26 21
Management : 0788 74 29 08
Emails : [email protected] / [email protected]

Serivisi Dutanga

- Kwamamaza
- Video Production
- Photography
- Web Development
- Hosting
- Domain Registration
- Abo Turi bo
- Twandikire
- Ibibazo bikunze kwibazwa
Copyright 2009 - 2021 | IGIHE Ltd | All Rights Reserved
Amategeko agenga ubwanditsi