Ni igikombe Liverpool yategereje igihe gisaga amezi atatu nyuma y’uko Premier League isubitswe muri Werurwe kubera icyorezo cya Coronavirus.

Liverpool yegukanye shampiyona nyuma y’uko Manchester City ya kabiri, yatsinzwe na Chelsea igitego 2-1 bituma amanota 23 y’ikinyuranyo hagati y’amakipe yombi adashobora kuvamo mu mikino irindwi isigaye.

1990-2020, hari hashize imyaka 30 Liverpool idatwara igikombe cya Shampiyona mu gihe yabaye iya kabiri inshuro nyinshi zitandukanye.

Nubwo hari amabwiriza yashyizweho yo kutegerana muri ibi bihe bya Coronavirus, abafana ba Liverpool basaga 5000 baraye bahuriye hanze ya Stade Anfield bishimira iki gikombe.

Imihanda yari yuzuye abafana, bamwe burira Stade mu gihe hari n’abacanye ibishashi, banywa inzoga mu rwego rwo kwishimira igikombe.

Ahagana saa 23:00 (saa Sita z’ijoro za Kigali), Polisi ya Merseyside yafunze imihanda kugira ngo ibuze izindi modoka nyinshi z’abafana kwerekeza kuri Anfield mu rwego rwo kubahiriza amabwiriza yo kwirinda Coronavirus.

Emily Farley ufana Liverpool arebera umupira wa Chelsea na Manchester City iwe mu rugo

Abafana ba Liverpool bari bategereje igikombe cya 19 cya Shampiyona

Abafana ba Liverpool bacanye ibishashi by'umuriro mu muhanda nyuma yo gutwara igikombe

Abafana babiri ba Liverpool bafite ibyapa bigaragaza ko yegukanye igikombe cya shampiyona

Abafana bazengurutse imodoka ya polisi yacungiraga hafi umutekano mu gihe ibyishimo by'igikombe byari bikomeje

Abafana ba Liverpool bacana ibishashi hanze ya Anfield mu rwego rwo kwishimira igikombe ikipe yabo yegukanye

Abafana ba Liverpool bagera ku 5000 bahuriye hanze ya Anfield bishimira igikombe

Bamwe mu bafana ba Liverpool bahuriye hanze barasangira

Bacanye ibishashi mu rwego rwo kwishimira igikombe ikipe yabo yegukanye nyuma y'imyaka 30

Abafana batari bake bazamutse mu bice byose bya Stade ya Liverpool bishimira igikombe

Ahagana saa tanu z'ijoro Polisi yatangaje ko imihanda iraza gufungwa

Bamwe mu bafana ba Liverpool baturitsa champagne nyuma y'uko ikipe yabo yegukanye igikombe ku mugoroba

Hari abahuriye muri Formby Hall Golf basangira ibyo kunywa bareba ibirori kuri televiziyo

Bamwe mu bafana bari bicaye kuri Anfield basangira ibyishimo n'abandi

Byari ibyishimo bidasanzwe ku bafana bavuye mu nzu zabo bagasohoka hanze mu Mujyi kwishima

Abafana ba Liverpool biregangije ibyo gusiga intera, bafatanya kwishimira igikombe

Basohokanye n'abana babo bajya hanze kwishimira igikombe

Ibihumbi by'abafana ba Liverpool bari kuri Anfield ntibari bitaye ku mabwiriza yo guhana intera mu rwego rwo kwirinda Coronavirus

Inyubako ya St George's Hall yagizwe umutuku mu rwego rwo kwishimira igikombe cya Liverpool

Mu gihe ibishashi byaturitswaga, bamwe baboneyeho gufata amafoto y'urwibutso

Mu gihe kitageze ku isaha, imihanda yari imaze kuzura abafana ba Liverpool

Polisi n'abashinzwe umutekano bacungiraga hafi ubwo abafana ba Liverpool bishimiraga igikombe

Sadio Mane ni umwe mu bakinnyi ba Liverpool basohotse bajya kwishima, yari afite akanyamuneza ubwo yari atwaye imodoka ye

Umubyeyi yazanye umwana we kwishimira igikombe Liverpool yaherukaga mu myaka 30 ishize

Umufana wa Liverpool azengurukana icyapa cyanditseho ko yatwaye igikombe cy'uyu mwaka w'imikino

Umufana wa Liverpool ukiri muto yuriye hejuru areba uko abandi bishimira igikombe