Icyiciro cya kabiri cy’imiryango 90 y’impunzi z’Abanye- Congo, igizwe n’abantu bagera kuri 620 yari ituye mu nkambi ya Kigeme ho mu karere ka Nyamagabe, kuri uyu wa Kabiri yimuriwe mu nkambi ya Mahama mu karere ka Kirehe, kubera ko yari ituye ahashobora gushyira ubuzima bwayo mu kaga.

Mu Karere ka Rulindo hatangirijwe umushinga uzamara imyaka 20 wo gutera ibiti bivangwa n’imyaka hagamijwe guteza imbere imibereho myiza y’abaturage uzwi nka “Agroforestry for Livelihoods”.

Nyuma y’amezi asaga arindwi amashuri ariho imiryango mu kwirinda ikwirakwira ry’icyorezo cya Coronavirus, abiga mu mashuri yisumbuye bongeye gusubira kwiga.

Urukiko rwa Gisirikare muri Somalia rwakatiye abarimo umuturage wo muri Kenya igihano cy’urupfu rubahamije ibyaha birimo ibijyanye no gukorana n’imitwe y’Iterabwoba.

Ishyaka ritavuga rumwe n’ubutegetsi muri Zanzibar ryatangaje ko abantu icumi bishwe barashwe mbere y’amatora ateganyijwe kuri uyu wa Gatatu, mu myigaragambyo yashyamiranyije abatavuga rumwe n’ubutegetsi n’inzego z’umutekano.

Imvura yaguye kuri uyu wa Kabiri mu Mujyi wa Kigali, yatumwe umugezi wa Nyabugogo wongera kuzura aho amazi yinjiye muri gare, mu mihanda n’ahandi. Aya mazi yanangije kandi n’ibindi bikorwa by’abaturage birimo imyaka yari ihinze mu gishanga cya Nyabugogo n’ibindi bikorwa bihegereye.

Nyuma y’amezi abiri, Komisiyo ishinzwe gutanga ibyemezo mu Karere ka Afurika, Africa Regional Certification Commission (ARCC) itangaje ko Afurika yigaranzuye indwara y’Imbasa, Minisiteri y’Ubuzima muri Sudani y’Epfo yatangaje ko iyi ndwara yongeye kugaragara mu ntara eshanu zo muri iki gihugu.

Ikigo cy’Igihugu gishinzwe kugenzura ibiribwa n’imiti, Rwanda FDA, cyahagaritse ikoreshwa, igurishwa n’ikwirakwizwa ry’umiti usukura intoki witwa Pure Skin Stay Safe Hand Sanitizer ukorwa n’uruganda African Buffalos Ltd wakozwe muri ethanol gusa mu gihe bitemewe.

Urugaga rw’Abavoka rwatangaje ko mu gihe cy’amezi atandatu gusa mu bana 1200 bari muri gereza 422 babashije gufungurwa bakurikiranwa bari hanze naho 295 bagizwe abere, muri iki gihe cya COVID-19.

Ikinyamakuru cyo mu Bufaransa, La Nouvelle République, cyatanze ikirego ku iterabwoba cyakorewe ku mbuga nkoranyambaga, nyuma yo gusakaza igishushanyo cy’Intumwa y'Imana Mohammed, cyakozwe n’ikinyamakuru Charlie Hebdo.

Guverinoma y'u Bufaransa yategetse ko umusigiti wa Pantin uherereye mu Majyaruguru ya Paris ufungwa nyuma yo gukwirakwiza kuri Facebook amashusho yamagana Samuel Paty, umwarimu wishwe ku wa Gatanu w’icyumweru gishize akaswe umutwe.

Polisi y’u Rwanda yerekanye abagabo batatu n’umugore umwe bakekwaho gukora ibyangombwa bihimbano byiganjemo impushya zo gutwara ibinyabiziga n’impushya z’inzira ‘passport’ aho bashukaga abantu bakaboherereza amafaranga kugira ngo babahe izo mpushya, biyitiriye ko bakorana n’inzego zishinzwe umutekano.

Abanyamuryango b’Ihuriro ry’abaforomo n’abunganira abaganga bikorera ku giti cyabo (RPNCO) binjiye mu bwiteganyirize bw’igihe kirekire bwa Ejo Heza kugira ngo nabo barusheho guteganyiriza amasaziro yabo.

Perezida wa Leta Zunze Ubumwe za Amerika, Donald Trump, yatangaje ko Sudan izava ku rutonde rw'ibihugu bitera inkunga iterabwoba,mu gihe izaba yamaze kwishyura miliyoni 335$.

Leta y’u Butaliyani yafashe icyemezo cyo kongera gukaza zimwe mu ngamba zo kwirinda Covid-19 zari zagiye zoroshywa. Ni umugambi abayobozi b’iki gihugu bavuga ko ugamije kwirinda ko cyasubira mu bihe bya Guma mu Rugo kuko byateza ingaruka ziremereye ku bukungu.

Mu bushakashatsi bwakozwe n’Ikigo Search for Common Ground ku bufatanye n’Umuryango w‘Ubumwe bw’u Burayi (EU) bwagaragaje ko urubyiruko rukwiriye kugira uruhare mu iterambere ry’igihugu binyuze mu gukorera hamwe no gufatanya n’inzego za Leta.

Komiseri muri Komisiyo y’Igihugu y’Ubumwe n’Ubwiyunge, Muhire Louis Antoine, yatangaje ko urubyiruko rukwiriye kugira uruhare mu gusoma no kwandika amateka y’u Rwanda mu rwego rwo gutanga amakuru nyayo ku bakoresha murandasi nk’umwe mu miyoboro wifashishwa cyane n’abashaka kubiba amacakubiri.

Banki ya Kigali ikomeje urugendo rwo kwagura serivisi zayo z’ikoranabuhanga ku isoko ry’imari mu gihugu, ari nako yagura uburyo bukoreshwa mu guhererekanya amafaranga, yorohereza abayigana mu bikorwa byabo no kurushaho gucunga umutekano w’amafaranga yabo.

Visi Perezida w’ishyaka riharanira Demokarasi muri Malawi (DPP), Uladi Mussa n’uwahoze ashinzwe abinjira n’abasohoka mu Karere, David Kwanjana, bahamijwe n’Urukiko Rukuru rw’i Lilongwe ibyaha byo gutanga pasiporo ku banyamahanga barimo abagize uruhare muri Jenoside yakorewe Abatutsi mu Rwanda mu 1994.

Polisi y’Igihugu yerekanye abamotari umunani bahinduye pulake za moto, bakazikuraho irangi ryandikishijwe imibare, abandi bagashyiraho utuntu duhisha nimero zazo ku buryo camera za polisi zidashobora kuzibona mu gihe baba bakoze amakosa yo mu muhanda.