Kenya: Kwigizayo Visi Perezida William Ruto bikomeje gufata indi ntera

Yanditswe na IGIHE
Kuya 16 Ukwakira 2020 saa 06:19
Yasuwe :
0 0

Guverinoma ya Kenya yerekeje mu mwiherero, gusa uburyo Perezida Uhuru Kenyatta yakiriwemo byarushijeho gushyira igihu ku mwanya Visi Perezida William Ruto asigaranye mu butegetsi.

Kuri uyu wa Gatanu nibwo Perezida Uhuru Kenyatta yageze mu Gace ka Manyani mu Ntara ya Taita Taveta, ahagomba guteranira Inama y’Abaminisitiri.

Ubwo yahageraga na kajugujugu, Kenyatta yakiriwe na Minisitiri w’Ubutegetsi bw’Igihugu no guhuza Ibikorwa bya Guverinoma, Fred Matiang’I, wari uhagaze mu mwanya ubanza ubundi ubamo visi perezida. Ruto na we yari hafi aho hamwe n’abandi bayobozi bakuru ba Kenya.

Uburyo Minisitiri yari ahagaze imbere ari we wakira Perezida mbere, byatunguye abantu benshi ku buryo abanyapolitiki bakomeje kuvuga ko Ruto yamaze kwigizwaho, agasimbuzwa Matiang’I mu nshingano, nubwo buri wese atigeze ahindurirwa imirimo mu buryo bwemewe n’amategeko.

Abasenateri barimo Kipchumba Murkomen na Millicent Omanga bagaragaje ko batunguwe cyane n’ibyabaye ubwo bakiraga perezida kuri uyu wa Gatanu.

Iyi nama ya Taveta ibaye nyuma y’uko Ruto akomeje ibikorwa bitandukanye byo gukusanya ubushobozi, byanezwe cyane na Guverinoma, ndetse hari bimwe biheruka guhagarikwa na polisi.

Ruto akomeje gushyirwa ku gitutu ashinjwa gusuzugura Perezida Uhuru Kenyatta, ku buryo abayobozi baba abo mu Ishyaka Jubilee no muri guverinoma, bakomeje kumusaba kwegura.

Matiang'I yari ku mwanya ubanza, umenyerewemo visi perezida
Kuramukanya kwari ukunama, mu kwirinda COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .