Abatambara agapfukamunwa bakomeje kwiharira umubare munini w’abarenga ku mabwiriza yo kwirinda Covid-19

Yanditswe na Iradukunda Serge
Kuya 15 Nzeri 2020 saa 05:15
Yasuwe :
0 0

Imibare ya Polisi y’igihugu na Minisiteri y’ubutegetsi bw’igihugu igaragaza ko abatambara udupfukamunwa n’abatatwambara neza bihariye igice kinini cy’abafatwa barenze ku mabwiriza yo kwirinda Covid-19.

Imibare y’izi nzego yo ku wa 12 Nzeri 2020 igaragaza ko abari bafashwe barenze ku mabwiriza yo kwirinda Covid-19 barengaga ibihumbi bine, muri bo abagera kuri 1744 bari bafatiwe ikosa ryo kutambara agapfukamunwa no kutakambara neza.

Uretse mu bandi bari bafashwe barenze ku mabwiriza yo kwirinda Covid-19 harimo 1292 bafashwe abafashwe nyuma ya saa tatu z’ijoro, 1146 bafatiwe kudahana intera, 209 bafatiwe mu tubari, mu gihe imodoka,moto n’amagare byafashwe byari 69. Kuri uyu munsi kandi hafunzwe utubari 64.

Imibare yongewe gukusanywa na Polisi ku wa 14 Nzeri igaragaza ko abatambara agapfukamunwa bakigize umubare munini w’abarenga ku mabwiriza yo kwirinda Covid-19.

Kuri iyi nshuro umubare w’abafashwe batambaye agapfukamunwa ni 1833, mu gihe abafashwe barengeje amasaha ari 1187, abafatiwe kudahana intera bakaba 930, abafatiwe mu tubari ni 239, imodoka,moto n’amagare byafashwe ni 91 ndetse n’umubare w’utubari twafunzwe wazamutse uva kuri 64 ugera kuri 96.

Ubwiyongere bw’abarenga ku mabwiriza yo kwirinda Covid-19 buje mu gihe nta minsi myinshi irashira umugi wa Kigali ushyizeho ibihano birimo n’amande ku banyuranya n’icyo amabwiriza y’inzego z’ubuzima avuga.

Iyi mibare igaragaza ko hari benshi batarumva neza ubukana bw’iki cyorezo kimaze guhitana abarenga ibihumbi 900 ku Isi yose mu gihe umubare w’abamaze ku cyandura usaga miliyoni 29.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umubare w'abatambara agapfukamunwa n'abatakambara neza ukomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .