00:00:00 IGIHE NETWORK KN KINYARWANDA EN ENGLISH FR FRANCAIS

Tanzania n’u Burundi byasinyanye amasezerano yo kubaka umuhanda wa Gari ya Moshi

Yanditswe na Umwali Zhuri
Kuya 17 January 2022 saa 07:15
Yasuwe :

Tanzania n’u Burundi byasinyanye amasezerano yo kubaka umuhanda wa Gari ya Moshi uzaba ufite agaciro ka miliyoni 900$ ugahuza ibi bihugu byombi byo muri Afurika y’Iburasirazuba.

Amasezerano yasinywe n’ibihugu byombi agena ko uyu muhanda uzaba ufite ibilometero 282 uzaturuka mu Burengerazuba bwa Tanzania mu gace ka Uvinzi ukagera i Gitega mu Burundi.

Ba Minisitiri b’Imari no gutwara abantu b’ibintu hagati y’ibihugu byombi basinyanye ayo masezerano ku Cyumweru mu muhango wabereye i Kigoma muri Tanzania.

Tanzania irashaka kuba icyicaro cy’ubucuruzi n’ingendo mu karere ka Afurika y’Iburasirazuba. Ifite gahunda yo kubaka imihanda ya Gari ya Moshi ihuza Dar es Salaam na Repubulika Iharanira Demokarasi ya Congo.

Ifite kandi undi mushinga wa Gari ya Moshi uzava i Isaka ukagera i Kigali.

Ntabwo Guverinoma y’u Burundi n’iya Tanzania zigeze zitangaza ahazava ingendo y’imari yo kubaka uyu muhanda.

Tanzania n’u Burundi byasinyanye amasezerano yo kubaka umuhanda wa Gari ya Moshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .