Afurika y’Epfo: Nta mitaka yemewe mu birori by’isabukuru y’ishyaka ANC

Yanditswe na Ndayikunda Josué
Kuya 11 Mutarama 2020 saa 11:31
Yasuwe :
0 0

Ishyaka African National Congress (ANC) riri ku butegetsi muri Afurika y’Epfo ryasabye abarwanashyaka baryo ko ntawemerewe kwitwikira umutaka mu birori byo kwizihiza isabukuru y’imyaka 108.

Ibi byasohotse mu itangazo iri shyaka ryashyize hanze mbere y’ibirori biteganyijwe kuri uyu wa Gatandatu tariki ya 11 Mutarama 2020 kuri Tafel Lager Park mu gace ka Kimberley.

Itangazo ryagiraga riti “ANC irahamagarira abantu kubahiriza amabwiriza yose kugira ngo ibirori bizagende neza nta nkomyi. Nta mitaka izaba yemewe mu birori.”

Nubwo nta bisobanuro byimbitse byatanzwe, abitabira ibi birori basabwe kuzifashisha ibindi bintu byabarinda izuba nk’ingofero dore ko iteganyagihe rigaragaza ko mu gace ka Kimberley hazaba hari ubushyuhe bwa dogere 31º C.

Ubuyobozi bw’iri shyaka bwanatangaje ko buzatanga imodoka zo kujyana abarwanashyaka baryo na Wi-fi by’ubuntu.

Ishyaka ANC niryo riturukamo Perezida Cyril Ramaphosa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza