Coronavirus ku wa 30 Kamena: Amerika yagize ubwandu bushya hafi ibihumbi 45

Yanditswe na Habimana James
Kuya 30 Kamena 2020 saa 09:22
Yasuwe :
0 0

Ishami ry’Umuryango w’Abibumbye ryita ku Buzima, OMS, ryatangaje ko mu gihe abanduye Coronavirus muri Leta Zunze Ubumwe za Amerika bari 40 540 ku wa Cyumweru, kuri uyu wa Mbere habonetse ubundu bwandu bushya ibihumbi 44 734 naho 346 barapfa.

Muri Brésil ho handuye abantu 25 234 mu gihe 727 bapfuye. Ku rwego rw’Isi, OMS ivuga ko hamaze kwandura abantu 10 412 423, abandi 508 228 bamaze gupfa.

Leta Zunze Ubumwe za Amerika nicyo gihugu gikomeje kuza imbere mu kugira ubwandu bwinshi bwa Coronavirus kuko bungana na 2 681 811 harimo abantu 128 783 bapfuye, Brésil ni iya kabiri ifite abanduye 1 370 488 abamaze gupfa ni 58 385, ku mwanya wa gatatu hari u Burusiya bufite abanduye 641 156 barimo 9 166 bapfuye.

Muri Afurika, abamaze kwandura Coronavirus ni 396 314 naho 9 914 bamaze gupfa.

Afurika y’Epfo ni iya mbere mu kugira abanduye benshi kuko ari 144 264 barimo 2 529 bapfuye, mu Misiri hamaze kwandura abantu 66 754 barimo 2 872 bapfuye.

Muri Afurika y’Iburasirazuba, Kenya ifite abantu 6 190 banduye barimo 144 bapfuye, Uganda ifite ubwandu 870, u Rwanda rufite abanduye 1 001 harimo babiri bapfuye, Tanzania ifite 509 barimo 21 bapfuye, mu Burundi handuye 170 hamaze gupfa umwe naho muri Sudani y’Epfo handuye 1 989, hamaze gupfa 36.

Mu bihugu bituranye n’u Rwanda, Repubulika Iharanira Demokarasi ya Congo ubu niyo yibasiwe cyane, abamaze kwandura ni 6 939 naho abamaze gupfa ni 167.

Abantu 508 228 bamaze gupfa bahitanywe na Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .