00:00:00 IGIHE NETWORK KN KINYARWANDA EN ENGLISH FR FRANCAIS

betPawa, sosiyete nshya y’imikino y’amahirwe yinjiye ku isoko ry’u Rwanda

Yanditswe na IGIHE
Kuya 1 April 2022 saa 10:35
Yasuwe :

Sosiyete y’imikino y’amahirwe, betPawa, yinjiye ku isoko ry’u Rwanda yiyongera ku zindi zimaze igihe zifasha abiganjemo urubyiruko kwinjiza amafaranga binyuze mu gutega ku mikino.

betPawa yinjiye ku isoko ry’u Rwanda nk’ishoramari ry’umuhanzi Mr Eazi wo muri Nigeria.

Yari isanzwe ikorera mu bihugu umunani bya Afurika harimo Cameroon, RDC, Ghana, Kenya, Nigeria, Tanzania, Uganda na Zambia. U Rwanda rwabaye urwa munani itangijemo ibikorwa.

Iyi Sosiyete yashinzwe mu 2013, intumbero yayo ni ugufasha abantu gutega amafaranga make ariko bakinjiza menshi.

Gutega kuri betPawa bikorwa binyuze ku rubuga rwa internet rwayo rwa betpawa.rw cyangwa kuri porogaramu yayo ya telefoni.

Amategeko y’u Rwanda ntiyemerera abafite munsi y’imyaka 18 gukina iyi mikino y’amahirwe. Gusa abayirengeje, bifashishije betPawa bashobora gutega bahereye ku ifaranga rimwe nk’umugabane muto ushoboka.

Umuntu wateze ku mikino ashobora kugira amahirwe yo gukubirwa 500% ingano y’amafaranga yateze. Ni mu gihe ashobora guhitamo imikino itandatu, ku cyumweru agahitamo uko izarangira hanyuma akagira amahirwe yo gutsindira miliyoni 25,5 Frw.

Ukoresheje betPawa kandi aba afite amahirwe yo gutega ku mikino 49 buri minota itanu ku ifaranga rimwe. Serivisi z’iyo sosiyete zitangwa mu gihe cy’amasaha 24 buri cyumweru.

Mr Eazi yasobanuye ko yahisemo gushora imari ye mu Rwanda nyuma yo kubona ko ari igihugu gitanga amahirwe y’iterambere mu ngeri zose, harimo urwego rw’imyidagaduro n’ubukungu bushingiye ku ikoranabuhanga.

Ati "Nanatangije mu Rwanda emPawa Africa igamije guteza imbere uruganda rwa muzika rwa Afurika by’umwihariko nibanda ku Rwanda. Tuzateza imbere muzika nyarwanda n’abahanzi b’Abanyafurika bava mu Rwanda."

Mu mwaka ushize Mr Eazi yakoreye urugendo mu Rwanda, asura inzego zitandukanye mu gihugu. Yasobanuye ko icyo gihe yagize inyota yo gushora imari mu myidagaduro n’ibijyanye n’imikino y’amahirwe.

Ati "Nkunda u Rwanda kubera uburyo rworoshya ibijyanye n’ubucuruzi."

Amategeko y’u Rwanda agena ko uruhushya rwo gutangiza imikino y’amahirwe ruba rufite agaciro k’igihe kitari munsi y’imyaka icumi gishobora kongerwa.

Iyo uruhushya rurangije igihe cyagenwe, uwaruhawe asabwa gusubira mu nzira zose buzuza kugira ngo ahabwe urundi ruhushya rushya.

Imikino y’amahirwe ni imwe mu yinjiza amafaranga menshi. Mu 2018 bibarwa ko yinjije miliyari 47 Frw avuye kuri miliyari 6,9 Frw mu 2013. Ni mu gihe umusoro yatanze muri uwo mwaka [2018] wanganaga na miliyari 1,8 Frw.

Kugeza ubu iki kigo cyatangiye imirimo ndetse abantu bashobora gutangira gutega kuri uyu wa Gatanu tariki 1 Mata 2022, banyuze hano.

Mr Eazi ni umwe mu bashoramari bakomeye muri betPawa
betPawa ni sosiyete y’imikino y’amahirwe nshya ku isoko ry’u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .