Imikino Olempike ya Tokyo 2020 yari yarasubitswe mu mwaka ushize, yafunguwe ku mugaragaro ku wa Gatanu, aho Naomi Osaka ukina Tennis ari we wacanye urumuri rwayo mu birori byabereye muri Stade Olympique itarimo abafana kubera ingamba zo kwirinda COVID-19.
Ibi birori byabaye ku wa Gatanu byafashwemo umwanya wo kwibuka abamaze guhitanwa n’icyorezo cya COVID-19.
Imbere y’abashyitsi bagera kuri 950 bari muri Stade Olympique, Abayapani berekanye byinshi bigize umuco wabo mu mbyino zinyuranye.
Mu bitabiriye ibirori byo gufungura iyi mikino bari muri iyi stade ifite ubushobozi bwo kwakira abantu ibihumbi 68, harimo Perezida w’u Bufaransa, Emmanuel Macron, Umugore wa Perezida wa Leta Zunze Ubumwe za Amerika, Jill Biden, Umwami w’u Buyapani Naruhito na Minisitiri w’u Buyapani, Yoshihide Suga.
Abakinny bo mu bihugu bitandukanye bitabiriye iyi mikino kuva ku bo mu Bugereki baserutse mbere kugeza ku Bayapani bari mu rugo, batambutse muri Stade Olympique mu karasisi.
U Rwanda rwaserutse ari urwa 201 nka kimwe mu bihugu 206 byitabiriye iyi mikino, ku nshuro ya 10 yarwo rukaba ruhagarariwe n’abakinnyi batanu bakina imikino itatu.
Hakizimana John usiganwa Marathon, Yankurije Marthe usiganwa metero 5000 ku maguru, Mugisha Moïse usiganwa ku igare, Maniraguha Eloi na Agahozo Alphonsine barushanwa mu koga umusomyo muri metero 50.
Imikino Olempike ya Tokyo 2020 iri kuba hubahirizwa ingamba zitandukanye zo kwirinda COVID-19 dore ko ku wa Gatanu, uyu mujyi wabonetsemo abarwayi 1.359 ba COVID-19 .
Kuri ubu, ubwandu 110 bwa COVID-19 ni bwo bumaze kugaragara bufite aho buhuriye n’Imikino Olempike ya 2020, aho ku wa Kane habonetse abanduye 25 mu gihe abakinnyi bamaze kwandura ari 13.
Umukino wa Beach Volleyball wagombaga kuba kuri uyu wa Gatandatu wakuweho kubera ko Umunya-Repubulika ya Tchèque; Marketa Nausch-Slukova ukinana na Barbora Hermannova, yanduye COVID-19, bityo Abayapanikazi Miki Ishii na Megumi Murakami bakomeza batsinze amaseti 2-0 kuri mpaga.
Itsinda ry'ababyinnyi berekana bimwe mu bigize umuco w'Abayapani mu birori byo gufungura imikino ku Tokyo 2020Cecilia Carranza Saroli na Santiago Raul Lange batwaye ibendera rya Argentine mu birori byo gufungura imikino ku Tokyo 2020Abakinnyi bo muri Autriche batambuka mu karasisiAbanya-Arabie Saoudite batambutse bifata amafoto mu birori byo gufungura imikinoAbakinnyi bo mu Buholandi batambuka mu karasisiAbanya-Argentine baboneyeho gufata ifoto ubwo bakoraga akarasisiAbakinnyi bo mu Bushinwa batambuka mu byishimo byinshiBamwe mu babyinnyi biyerekana mu birori byo gufungura iyi mikinoFatimah Abbas Waheeb Al-Kaabi na Mohammed Al-Khafaji batwaye ibendera rya IraqIbishashi byarashwe bitunguka hejuru ya Stade Olympique yabereyemo ibirori byo gufungura iyi mikinoAnna Korakaki na Eleftherios Petrounias ni bo bari batwaye ibendera ry'u BugerekiClarisse Agbegnenou na Samir Ait Said batwaye ibendera ry'u BufaransaHanna Minenko na Yakov Toumarkin bayoboye itsinda rya Israel mu Mikino OlempikeHarmannpreet Singh na Mary Kom Hmangte bayoboye bagenzi babo bo mu BuhindeItsinda ry'abakinnyi ba Misiri ritambuka, rirangajwe imbere na Hedaya Wahba na Alaaeldin Abouelkassem bari batwaye ibenderaMalia Paseka na Pita Taufatofua bayoboye itsinda rya TongaAbanya-Ukraine barangajwe imbere na Olena Kostevych ma Bogdan NikishinAbanya-Cameroun baserutse bayobowe na Joseph Essombe Tiako na Albert Mengue Ayissi bari batwaye ibenderaPerezida w'u Bufaransa, Emmanuel Macron, yitabiriye uyu muhango dore ko Imikino Olempike ya 2024 izabera i ParisUmwami w'u Buyapani, Naruhito, ageza ijambo ku bashyitsi barimo Perezida Macron na Jill Biden mbere y'ibirori byo gufungura Imikino OlempikeKeet Oldenbeuving na Churandy Martina bayoboye bagenzi babo bo mu BuholandiKetleyn Quadros na Bruno Mossa Rezende bayoboye Abanya-BresilLaura Ludwig na Patrick Hausding batwaye ibendera ry'u BudageAbagize ikipe ya Pologne baseruka ku karasisiMercy Moim na Andrew Amonde ni bo bari batwaye ibendera rya KenyaAbanya-Espagne baserutse barangajwe imbere na Mireia Belmonte na Saul CraviottoNafissatou Thiam na Felix Veronique B. Denayer batwaye ibendera ry'u BubiligiAbanyarwanda bitabiriye Imikino Olempike baserutse mu myambaro ya Made in RwandaAgahozo Alphonsine akurikiwe na Hakizimana John bari batwaye ibendera ry'Igihugu i Tokyo muri Stade OlympiqueBamwe bitwaje ibyaba bisaba ko Imikino ya Tokyo 2020 yahagarikwaAbanya-Finland batambuka mu karasisiIbendera ry'Imikino Olempike ya Tokyo n'ikirango cyayo byagaragajwe kandi muri ibi biroriAbaturage batari bemerewe kwinjira muri Stade, bafatiraga amafoto hanzeUmugore wa Perezida wa Leta Zunze Ubumwe za Amerika, Jill Biden, agera ku ngoro y'Umwami w'u Buyapani NaruhitoYusra Mardini na Tachlowini Gabriyesos bayoboye ikipe y'impunzi zatumiwe mu Mikino OlempikeZhu Ting na Zhao Shuai batwaye ibendera ry'u BushinwaByari ibirori biryoheye amaso…Abayapani berekanye byinshi bijyanye n'umuco waboAbanya- Australia bifotoza ubwo bari baserutse mu karasisiPatty Mills na Cate Campbell bayoboye itsinda rya AustraliaIbishashi byaturikijwe mu birori byo gufungura Imikino OlempikeHanna Mills na Mohamed Sbihi bayoboye bagenzi babo bo mu Bwami bw'u BwongerezaPerezida w'u Bufaransa, Emmanuel Macron, aganira n'Umugore wa Perezida wa Leta Zunze Ubumwe za Amerika, Jill BidenPerezida wa Komite Olempike Mpuzamahanga, Thomas Bach, asuhuzanya na Seiko Hashimoto uyoboye ibikorwa by'Imikino Olempike ya TokyoIbendera ry'u Buyapani ryazamuwe ubwo haririmbwaga indirimbo yabwoUmwami w'u Buyapani, Naruhito, wari umushyitsi mukuru, asuhuza abantu bake bitabiriye ibi biroriAmatara 50 yacanywe mu buryo bugaragaza imikino 50 izakinwa mu Mikino Olempike y'uyu mwakaNaomi Osaka umaze kwegukana Grand Slam enye muri Tennis, ni we wacanye urumuri rw'Imikino Olempike ya Tokyo 2020Siporo zitandukanye zizakinwa zerekanwe mu birori byo gufungura iyi mikinoAbayobozi batandukanye barimo Thomas Bach uyobora Komite Olempike Mpuzamahanga (hagati), Umwami Naruhito (wa kabiri iburyo) na Minisitiri w'Intebe Yoshihide Suda (iburyo)Leta Zunze Ubumwe za Amerika ni zo zifite abakinnyi benshi i TokyoUbwo Naomi Osaka yari amaze gucana urumuri rw'Imikino Olempike ya Tokyo 2020
Ibitekerezo 0