MTN Rwanda yatangije ukwezi kwahariwe ubukangurambaga ku gukoresha Mobile Money

Yanditswe na Iradukunda Serge
Kuya 9 Ukuboza 2019 saa 02:25
Yasuwe :
0 0

Sositeye y’itumanaho ya MTN Rwanda, yatangije ukwezi kwahariwe gusobanura inyungu ziri mu guhererekanya amafaranga no kwishyura serivisi zitandukanye hakoreshejwe uburyo buzwi nka ‘Mobile Money’.

Ni ukwezi kwatangirijwe mu karere ka Rwamagana hagamijwe kurushaho gushyigikira gahunda y’igihugu yo kugira ubukungu burangwa n’amafaranga adahererekanywa mu ntoki ndetse no gusobanurira Abanyarwanda inyungu ziri mu gukoresha MTN Mobile Money.

Umuyobozi ushinzwe ubucuruzi muri MTN Rwanda, Kagame Chantal, ubwo yatangizaga uku kwezi k’ubukangurambaga yavuze ko ibikorwa byo muri uku kwezi bizaba bigamije gushishikariza abanyarwanda gukoresha MTN Mobile Money nk’uburyo bwo guhererekanya amafaranga bwizewe.

Yagize ati “Uku kwezi turashishikariza Abanyarwanda kutwiyungaho mu kudahererekanya amafaranga mu ntoki bakoresha Mobile Money nk’uburyo bukwiye bworoshye kandi bwizewe bwo guhererekanya amafaranga”.

Kagame Chantal yagarutse ku kamaro k’ubu buryo bwo guhererekanya no kwishyura serivisi bwa mobile money mu gihe bumaze butangiwe gukoreshwa mu Rwanda.

Ati “Servisi za MTN Mobile Money zahinduye ubuzima bw’abakiliya bacu bose ndetse zigira uruhare mu iterambere ry’uburyo bw’imari mu Rwanda”.

Ni ubukangurambaga bubaye ku nshuro ya kane, ubw’uyu mwaka bukaba bufite insanganyamatsiko igira iti ‘lets go cashless’ ugenekereje mu Kinyarwanda ni ‘Reka tureke kugendana amafaranga mu ntoki’.

Kuva ubu buryo bwo guhererekanya amafaranga bwa MTN mobile money bwatangira gukoreshwa mu Rwanda, bumaze guha akazi abarenga 33 000 bakora nk’abahagarariye MTN (Agents), ndetse butuma Abanyarwanda bagera kuri miliyoni 3.4 bagera byoroshye kuri serivisi z’imari.

Kuri ubu MTN Mobile Money ikoreshwa mu kwishyura ibintu bitandukanye birimo umuriro n’amazi, amafaranga y’urugendo ku ikarita ya Tap&Go, ndetse na serivisi zitangwa n’inzego za leta zitandukanye.

Ubu bukangurambaga bwatangirijwe mu Karere ka Rwamagana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza