Ethiopia ivuga ko uru rugomero ruzubakwa rutwaye miliyari 4,6$, rukazaba ari rwo rwa mbere runini ku Mugabane wa Afurika. Nirwuzura, ruzatanga amashanyarazi ashobora guhaza miliyoni 110 zituye Ethiopia ndetse akanagurishwa mu mahanga.

Misiri ivuga ko ubunini bwa GERD buzatuma amazi yageraga muri Misiri ashobora kugabanuka, kandi icyo gihugu gishingira 97% by’amazi gikoresha mu bikorwa byo kuhira ku mugezi wa Nile.

Sudani nayo ivuga ko mu gihe Ethiopia yakubaka uru rugomero nta masezerano abanje kwemeranywaho, byatuma ingomero zayo zubatse kuri Nile zibura amazi ahagije zigahagarara.

Tshisekedi uzayobora ibi biganiro anayoboye Umuryango wa Afurika Yunze Ubumwe, AU, ndetse byitezwe ko Umuyobozi wa Komisiyo ya AU, Moussa Faki Mahamat azitabira ibi biganiro.