Nk’uko byatangajwe n’uhagarariye sosiyete sivile mu karere byabereyemo Ricardo Rupande, abarwanyi bo mu mutwe wa ADF bagabye igitero mu rukerera rwo ku wa Kane nimugoroba mu Mudugudu wa Bukokoma, muri teritwari ya Beni.

Umuyobozi mu gace ka Bukokoma Katanga Matete, yatangarije AFP ko abo barwanyi bari bambaye ingofero bitwaje n’imihoro bagendaga bafungura inzu z’abantu bagaca imitwe abo basanzemo.

Umuyobozi wa Croix-Rouge yaho, Albert Ndungo, na we yavuze ko abantu 12 bishwe barimo abagore bane n'abana bane.

Ibiro by'Umuryango w'Abibumbye bishinzwe guhuza ibikorwa by'ubutabazi OCHA, bivuga ko muri Gicurasi honyine abantu barenga 50 biciwe mu gace ka Beni.