Uyu mukinnyi wamenyekanye cyane nyuma yo kwitwara neza mu mikino ya Olempike ya 2012 yabereye i Londres yishe arashe uwari umukunzi we Reeva Steenkamp tariki 14 Gashyantare 2013 ku munsi w’abakundana ariko avuga ko yabikoze atabigambiriye ahubwo yamwitiranyije n’umugizi wa nabi.

Muri 2014 yari yakatiwe gufungwa imyaka itanu nyuma yo guhamwa n’icyaha cy’ubwicanyi ariko atabigambiriye. Abunganira umuryango wa nyakwigendera, bahise bajururira iki gihano bavuga ko Pistorius akwiye guhamishwa icyaha cy’ubwicanyi ndetse agakatirwa igifungo cy’imyaka 15.

Ubwo yari yakatirwaga mu mwaka wa 2014, yamaze umwaka umwe muri gereza mu Ugushyingo kwa 2015 aza kurekurwa akomereza igifungo cye hanze akora imirimo nsimburagifungo.