Ibi birori byanenzwe n’abatavuga rumwe nawe byabaye kuwa Gatandatu tariki ya 27 Gashyantare mu Ntara ya Masvingo aho abantu bacinye akadiho bagasangira n’umugati w’agahebuzo wapimaga ibiro 92 bishushanya imyaka y’uyu Mukuru w’Igihugu ukuze kurusha abandi ku Isi.

Abatavuga rumwe n’ubutegetsi bwa Mugabe barabinenze cyane kuko ngo ibihumbi by’abaturage mu gihugu cye bikomeje gusuhuka kubera amapfa yateye Zimbabwe mu myaka 32 Mugabe amaze ku butegetsi.