Minisiteri y’Umutekano mu Misiri yemeje aya makuru ivuga ko ubu bwicanyi butari bugambiriwe ahubwo ko habayeho kwitiranya abakerarugendo n’abahungabanya umutekano.

Minisiteri y’Umutekano mu Misiri yavuze ko igiye gukora iperereza ku cyateye aba bakerarugendo kurenga imbibi z’ahemewe kuko bari bageze mu butayu bw’ahegereye umupaka ugabanya Misiri na Libya.

Abinyujije ku rukuta rwe rwa Twitter, Perezida wa Mexique, Enrique Pena Nieto, yagaragaje gushavuzwa n’iki gitero avuga ko hakenewe gukorwa iperereza ku cyihishe inyuma y’ubu bwicanyi.

Umuvugizi w’ishami ry’ubukerarugendo mu Misiri yabwiye ibiro ntaramakuru bya Misri (MENA) ko imodoka z’abakerarugendo zari zarenze imbibi zahemewe gusurwa.

Leta ya Misiri yasabye imbabazi ku kuba abasirikare bayo barashe batabigambiriye bagahitana aba ba mukerarugendo.