Izo nzovu zimaze gupfa ziyongera ku zindi zapfuye umwaka ushize hagati ya Gicurasi na Kamena zose hamwe zikaba zigera kuri 330 nk'uko BBC yabitangaje.

Minisiteri y'Ibidukikije kuri uyu wa Gatatu yatangaje ko iperereza ry’ibanze ryagaragaje ko izo mpfu zaba zaratewe n’udukoko twanduza (bacterie) nubwo iperereza rigikomeje.

Iyo Minisiteri yatangaje ko iperereza ryagaragaje ko nta zindi nyamaswa zigeze zipfa mu buryo budasanzwe nk’inzovu.

Umwaka ushize byakekwaga uko gupfa kudasanzwe kw’inzovu za Botswana kwaba kwaraturutse ku kunywa amazi arimo uburozi.

Botswana icumbikiye kimwe cya gatatu cy’inzovu zose ziri ku mugabane wa Afurika, ziri no mu nyamaswa ziri gukendera ku Isi.