{Kuri uyu wa gatanu, tariki ya 15 kanama 2012, Urukiko Rukuru rwanze ubujurire rwa Dr Léon Mugesera wari wararujuririye tariki ya 11 uku kwezi ifungwa n’ifungurwa by’agateganyo.}

Mugesera yari yajuririye urwo Rukiko avuga ko yafunzwe binyuranije n’amategeko bityo asaba ko yafungurwa agakuriranwa ari hanze.

Yajuririye uru rukiko akurikije icyemezo cy’urukiko Rwisumbuye rwa Nyarugenge rwategekaga ko Mugesera aburana kandi ibyo akabikora agifunzwe, we abona ko hari inzitizi zituma aburana mu buryo bunyuranije n’amategeko.

Ubushinjacyaha busaba ko urubanza rwakomeza, kandi ko Mugesera yakomeza gufungwa, burasaba kandi Urukiko gudaha agaciro ubujurire bwagejejweho.

Urukiko ruyobowe n’umucamanza Ndagijimana Eugène, rumaze kumva impande zombi, rwanze ubujurire bwa Dr Léon Mugesera, buvuga ko butemewe n’amategeko.

Ibi bibaye kandi mu gihe uwari Umwunganizi wa Mugesera Mutunzi Donat akuriyemo ake karenge mu kongera ku mwunganira ku mpamvu zo kudahebwa.

Dr.Léon Mugesera uregwa ibyaha bya Jenoside yakorewe Abatutsi mu Rwanda mu w’1994.