Ubwo Byukusenge Patrick yegukanaga Western Circuit, Umunakenya Suleyman Kangangi yari yabaye uwa cyenda.

Iri siganwa ryagomba gukinwa kuri uyu wa Gatandatu ryimuwe kuko kuri stade Amahoro ryagombaga gusorezwa hazaba hari umukino mpuzamahanga uzahuza Amavubi na Ghana saa cyenda.

Tour de Kigali ni isiganwa rya munani ku ngengabihe ya Rwanda Cycling Cup 2015 yatewe inkunga na COGEBANQUE na Skol.

Abakinnyi ba Team Rwanda bavuye gusiganwa muri Brazil, muri Tour de Rio, Byukusenge Patrick wabaye uwa 20, Hakuzimana Camera 30, Biziyaremye Joseph 36, Hadi Janvier 44 na Aleluya Joseph bazasiganwa.

Iri siganwa rizitabirwa n’abakinnyi b’amakipe atandatu agize Ishyirahamwe ryo gusiganwa ku magare mu Rwanda ariyo Benedection Club, Amis Sportifs, Cine Elmay,Huye Cycling Club for All, Fly Clying Club na Kiramuruzi Cycling Club.

Niyonshuti Adrien yegukanye iri siganwa mu 2011 na 2012.

Andi masiganwa abiri asigaye azaba tariki ya 17-18 Ukwakira na 24-25 Ukwakira 2015, azakoreshwa mu kwitegura Tour du Rwanda izatangira tariki ya 16-23 Ugushyingo 2015.

Inzira izakoreshwa muri Tour de Kigali

Nemba – Nyamata – Kicukiro Centre – Gatenga – Rwampara – Nyamirambo 40 – Kimisagara – Nyabugogo – Muhima – Kinamba – Gisozi – Kagugu – Gacuriro – Nyarutarama – Kibagabaga – Kimironko – Stade (Km 89,4).

Bakomereze kwa Lando – RDB – Nyarutarama – Kibagabaga – Kimironko – stade bahazenguruke inshuro eshatu (Km 11,5).