Kuri iyi nshuro, abahanzi bakoze mu nganzo bagashyira hanze ibihangano bishya barimo Theo Bosebabireba, Utah Nice, Ruti Joël na Clement Guitarist, Confy, Gisa cy’Inganzo, Malani Manzi, B-Threy n’abandi.

Ruti Joël na Clement Guitarist bashyize hanze album

Ruti Joël na Clement Guitarist bashyize hanze album bakoranye bise ‘Rutakisha’, yagiye hanze tariki 1 Ukwakira 2025.

Mu kiganiro na IGIHE, Ruti Joël yavuze ko iyi album bayise ‘Rutakisha’ bashaka gusobanuro ko igomba gutakisha amahanga yumvaga ko abakora umuziki gakondo batabasha kuririmba mu ndimi zabo.

Ati “Bajyaga bavuga ko tutaririmba indimi z’amahanga, iyi album hafi yose twayikoze mu Gifaransa no mu Cyongereza nibaza ko na bo bari buze kuzumva bakamenya ko no muri gakondo yacu twaririmba indimi zabo.”

Ikindi Ruti Joël yishimira ni uko iyi album yakozwe na Clement Guitarist usanzwe anamufasha gucuranga gitari mu bitaramo binyuranye. Iyi album igizwe n’indirimbo zirimo; Rutakisha, Mama we, African Girl, Dore,Baby, Ingabire, Mannequin, Lisa, Umumararungu na Gospel.

Ni album ya mbere kuri Clement Guitarist ikaba iya kabiri kuri Ruti Joël uherutse gusohora ‘Musomandera’ yamurikiye mu gitaramo ‘Rumata wa Musomandera’ yakoreye kuri Intare Conference Arena mu Ukuboza 2023.

“Nta Joro Ridacya” - Theo Bosebabireba

Ni indirimbo nshya ya Theo Bosebabireba, igaruka ku kuntu abantu bashobora kubaho mu buzima bubi ariko byanga bikunze bukaza kurangira nubwo byaba byagoranye.

“Time” - Utah Nice

Ni indirimbo nshya y’umuhanzi Utah Nice uri mu bakobwa batanga icyizere mu muziki nyarwanda. Aba aririmba yishyize mu mwanya w’umukobwa uri gusaba umusore kumuha umwanya we.

“I’m sorry” - Malani Manzi

Ni indirimbo nshya y’umuhanzi Malani Manzi uri mu bamaze kugwiza igikundiro mu muziki nyarwanda. Muri iyi ndirimbo uyu musore aba yishyize mu mwanya w’umuntu uri gusaba imbabazi umukunzi we.

“Pressure” - AY Ft. Real Roddy & Khire

Ni indirimbo nshya ya Producer AY yahurijemo Real Roddy na Khire bari mu bahanzi bari kuzamuka neza. Muri iyi ndirimbo baba bavuga umuntu ukundana ku buryo abandi bahorana igitutu baterwa n’ishyari.

“Nasanze” - Confy

Ni indirimbo nshya y’umuhanzi Confy uri mu bamaze kubaka izina mu muziki. Muri iyi ndirimbo aba aririmba yishyize mu mwanya w’umusore ukunda umukobwa ariko akaza gusanga ari kwiruhiriza ubusa.

“Ku Mutima” - Gisa cy’Inganzo

Ni indirimbo nshya y’umuhanzi Gisa cy’Inganzo, aho aba aririmba ko umuziki ari wo buzima bwe bwa buri munsi we n’abandi benshi, ariko ko ubamo akagambane.

“Changequota” - The Nature ft. Afrique

Ni indirimbo iri mu zigize EP nshya ya The Nature. Muri iyi ndirimbo aba bahanzi baba baririmba bavuga ukuntu umuntu ashobora gukunda undi, agamije kumwereka ko icyo yamusaba cyose yagikora.

“6AM” - Bruce The 1st ft. Kenny K-Shot

Ni indirimbo nshya y’abaraperi Bruce The 1st na Kenny K-Shot. Baba bavuga ukuntu abantu basigaye bahora mu kazi ku buryo kuryama biba bigoranye ndetse hari ababa batazi amasaha.

“Umubavu” - B-Threy

Ni indirimbo B-Threy yahimbiye umugore we Keza Nailla, aho aba avuga ko yamuhinduriye ubuzima mu rukundo agakunda atitangiriye itama.

“Impore (Remix)” - Yvan Buravan Ft Ruti Joël, Dj Marnaud, & Ish Kevin

Ni indirimbo ya Buravan yasubiwemo n’abahanzi barimo Ruti Joël, Dj Marnaud, na Ish Kevin. Iyi ndirimbo aba bahanzi bayisubiyemo mu gitaramo cyo kwishimira ibigwi bya Buravan cyabaye umwaka ushize.

“Indirimbo zo hanze…”

“Msumari” - Diamond Platnumz

“Believe” - Adekunle Gold

“Demons” - Zlatan feat. Qing Madi

“Getting Paid’’ - Sarz feat. Asake, Wizkid, Skillibeng

“Stranger” - Doja Cat