Racine, umunyempano muri Hip hop ukomeje guhangwa ijisho

Yanditswe na Uwiduhaye Theos
Kuya 25 Ukwakira 2020 saa 05:28
Yasuwe :
0 0

Kamatali Thierry [Racine] ni umwe mu bahanzi bakizamuka bari kwitwara neza mu muziki wa Hip hop mu Rwanda ndetse benshi bakomeje kwishimira impano ye.

Uyu musore w’imyaka 23 y’amavuko ni umwe mu baraperi beza batanga icyizere cyo kugarura umwimere wa Hip hop cyane muri Trap music.

Amaze gukora indirimbo indirimbo zitandukanye zirimo ‘Agahugu’ yatangiriyeho mu 2017, ‘Bizacamo’ yakoranye na G Bruce, ‘Nzura’, ‘I.O’ ndetse yashyize hanze indirimbo nshya yise ‘Nsengera’.

Yabwiye IGIHE ko guhimba iyi ndirimbo nshya byaturutse ku bantu bagira ibyaha byinshi ku buryo bananirwa kwisengera.

Ati “Guhimba ‘Nsengera’ nabitekereje ngendeye ku bantu bamwe usanga bafite ibyaha byinshi ndetse kwihana byarabananiye ku bitabaza abandi ngo babafashe mu masengesho.”

Byinshi mu bitekerezo byatinzweho kuri Youtube abantu bagaragaje ko bishimiye impano y’uyu musore.

Nka Derrick Don Divin yagize ati “Umuraperi mwiza igisekuru cyacu gifite. Komeza uwo mwuka muvandimwe.”

Naho Elias Murekezi we ati “Buri gihe uba uzi icyo gukora. Nkunda umuziki wawe cyane. Kurapa ni impano yawe. Komereza aho dutewe ishema nawe.”

N’abandi benshi bakomeje bishimira ko uyu musore, agenda atera imbere mu muziki we umunsi ku wundi.

Racine avuga ko mu 2013 yatangiriye umuziki mu matsinda atandukanye gusa akabona aho kuzamuka ahubwo umuziki we ukura nk’isabune, nyuma yo kubona ko akomeje gutera intambwe asubira inyuma yafashe umwanzuro wo gutangira gukora indirimbo ku giti cye.

Avuga ko ashaka kugera kure atabifashijwemo no kwisunga abahanzi bakomeye, bari ku gasongero mu ruganda rw’umuziki nyarwanda.

Ati “Kugeza ubu natangiye ibikorwa byanjye bya muzika ndetse nshaka gukora cyane izina ryanjye rigatangira kumvikana mu muziki Nyarwanda, sinshaka guhita nirukira abandi bahanzi bagezeyo ngo dukorane ahubwo nshaka kubanza gukora ibikorwa byanjye bya muzika bikivugira.”

Mu bahanzi uyu musore afata nk’icyitegererezo avuga ko mu Rwanda akunda cyane Byumvuhore wamenyekanye mu bihe byo hambere, muri Afurika agakunda umuraperi Sarkodie naho muri Amerika akemera cyane Kendrick Lamar na we umenyerewe muri Hip hop.

Racine ni izina risobanuye byinshi kuri we cyane ko yemeza ko igiti kitagira umuzi n’umwe kidatera kabiri, uyu musore nk’umwe mu bashaka gufata ku giti cya Hip hop afite intumbero yo kuba umwe mu mizi miremire ihamye muri iyi njyana.

Indi ndirimbo nshya ye yise ‘Nsengera’ mu buryo bw’amajwi yakozwe na Bailey muri Dope Records, naho amashusho yayo yakozwe 100pixels ya Nyamurasa Creativity.

-  Reba indirimbo nshya ya Racine

Racine afite gahunda yo gukora umuziki akabanza akubaka izina mbere yo kwirukira gukorana n'abandi bahanzi bakomeye
Racine ni umwe mu baraperi bari kuzamuka neza mu muziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .