00:00:00 IGIHE NETWORK KN KINYARWANDA EN ENGLISH FR FRANCAIS

Atitaye ku myaka amaze mu muziki Sergent Robert yimanuye mu ntera

Yanditswe na

Kalinda Brendah

Kuya 15 October 2014 saa 10:08
Yasuwe :

Mu gihe benshi mu bahanzi mu Rwanda bahora bivuga imyato ko bamamaye ndetse amazina yabo yamaze kuba inkekwe mu mitima y’Abanyarwanda , S.sgt we ahamya ko ataraba icyamamare na gato ahubwo agifite urugendo rurerure ngo abigereho.
Uyu muhanzi benshi bakomeje kwitwa Sergent Robert kandi yarazamuwe mu ntera mu gisirikare cy’u Rwanda ari nako kazi akora, ku ruhande rwe ngo yumva ntacyo bimutwaye kuba umufana yamuha ipeti yavuyeho.
Kabera Robert kandi ngo akurikije uburemere bw’ijambo (...)

Mu gihe benshi mu bahanzi mu Rwanda bahora bivuga imyato ko bamamaye ndetse amazina yabo yamaze kuba inkekwe mu mitima y’Abanyarwanda , S.sgt we ahamya ko ataraba icyamamare na gato ahubwo agifite urugendo rurerure ngo abigereho.

Uyu muhanzi benshi bakomeje kwitwa Sergent Robert kandi yarazamuwe mu ntera mu gisirikare cy’u Rwanda ari nako kazi akora, ku ruhande rwe ngo yumva ntacyo bimutwaye kuba umufana yamuha ipeti yavuyeho.

Kabera Robert kandi ngo akurikije uburemere bw’ijambo ‘Icyamamare’ ngo yumva atarabasha kugera ku rwego yitwa gutya ku bw’ibikorwa afite n’urugendo asigaje gukora ngo arihabwe kandi abyakire yemye.

Mu kiganiro One on One , S.Sgt Robert yasobanuye ko kwitwa icyamamare bijyana n’ibikorwa by’indashyikirwa birenze urwego agezeho bityo agasanga adakwiriye kwitwa icyamamare.

Ati “Sinakwiyita icyamamare kuko hari byinshi nifuza ntarageraho ngo numve ko iryo zina ndikwiriye. Na none ntabwo ndi mushya muri muzika, ndazwi kandi nzi neza ko mfite abafana ariko kwitwa superstar urwo rwego sindarugeraho”

Yakomeje asobanura ko gufatanya muzika n’igisirikare nta mbogamizi nta nke bimutera, kuri we bifitanye isano dore ko muzika atayikorera guhangana n’abandi ahubwo ayikora kubera ari impano ye kandi abyishimira.

Mu byifuzo Staff Sergent Robert, umaze imyaka irenga 10 mu muziki , afite harimo ko mu myaka itanu iri mbere ashaka kuzaba afite inzu itunganya indirimbo ye bwite izajya ifasha abahanzi bakizamuka kugira ngo na we agire itafari ashyira ku iterambere rya muzika Nyarwanda.

Yanabajijwe uko abona mugenzi we Senderi International Hit banabanye mu gisirikare bagitangira gukora umuziki, avuga ko bombi batandukanye haba mu miririmbire n’uko bakora umuziki.

Ati “ Senderi ni Senderi afite uko akora muzika ye nanjye nkagira uko nkora iyanjye ndetse ntituririmba kimwe, nta bintu byinshi namuvugaho”

Nubwo nta bihembo aratwara mu muziki, S.sgt Robert atewe ishema n’urwego agezeho ndetse afite gahunda ihamya yo gukomeza gukora izindi ndirimbo. Mu minsi yashize uyu muhanzi yatangaje ko amaze kugeza indirimbo zisaga 100 gusa nke muri zo ni zo zabashije kumenyakana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .