00:00:00 IGIHE NETWORK KN KINYARWANDA EN ENGLISH FR FRANCAIS

Mighty Popo agiye kuyobora ishuri rya muzika mu karere ka Rubavu

Yanditswe na

James Habimana

Kuya 26 October 2013 saa 11:24
Yasuwe :

Umuhanzi Jacques Murigande uzwi nka Mighty Popo ukorera muzika muri Canada, agiye kuyobora ishuri rya muzika ryiswe SAM (School of Art and Music) riherereye mu karere ka Rubavu, rizatangira muri Mutarama umwaka utaha.
Iri shuri ryahoze ryitwa Ecole d’Arts de Nyundo rikaba ryarashinzwe mbere ya Jenoside yakorewe Abatutsi mu Rwanda mu 1994.
Inkuru ya The New Times ivuga ko Mighty Popo yemeza ko umuziki wo mu Rwanda ukwiye gukoranwa ubunyamwuga, ati “Turashaka ko umuziki ukoranwa ubunyamwuga, (...)

Umuhanzi Jacques Murigande uzwi nka Mighty Popo ukorera muzika muri Canada, agiye kuyobora ishuri rya muzika ryiswe SAM (School of Art and Music) riherereye mu karere ka Rubavu, rizatangira muri Mutarama umwaka utaha.

Iri shuri ryahoze ryitwa Ecole d’Arts de Nyundo rikaba ryarashinzwe mbere ya Jenoside yakorewe Abatutsi mu Rwanda mu 1994.

Inkuru ya The New Times ivuga ko Mighty Popo yemeza ko umuziki wo mu Rwanda ukwiye gukoranwa ubunyamwuga, ati “Turashaka ko umuziki ukoranwa ubunyamwuga, ari yo mpamvu igitekerezo cyo gutangiza ishuri ry’umuziki kiziye igihe kuko hano mu Rwanda dufite abana bakiri bato kandi bafite impano y’umuziki baramutse bahawe amahugurwa mu gihe bakiri bato, bazavamo abahanzi beza.”

Avuga ko iri shuri rizaba intango y’abanyamuziki bagezweho mu Rwanda, ndetse n’abakirimo kuzamuka nabo bakazagira byinshi bahavana.

Yakomeje avuga ko iri shuri rizatanga ubumenyi k’umuziki, birimo kwigisha kuririmba, gukoresha ibyuma no kwandika indirimbo.

Popo avuga ko leta y’u Rwanda biciye muri Minisiteri y’Uburezi, yashoye amafaranga menshi muri iki gikorwa, kugira ngo ibyo ryifuza kugeraho bizabe impamo. Naho Ikigo cy’igihugu gishinzwe ubumenyi ngiro (WDA), cyo ngo kizafasha gushaka abana bafite impano, guhera ku bize nibura imyaka 9 y’ibanze (9YBE), byose ngo bijyanye na gahunda y’amashuri y’ikoranabuhanga, bijyanye no kugera ku cyerekezo cy’iterambere cya 2020, u Rwanda rwiyemeje kugeraho.

Mighty Popo umaze imyaka irenga 20 muri Canada, avuga ko ibihugu by’u Burayi biteza imbere abana bakiri bato bashingiye ku bubyo babona umwana azashobora gukora mu buzima bwe, bitari ukumugenera icyo azakora, ibi rero ngo iri shuri nibyo rizanye mu Rwanda.

Mighty Popo asanzwe ategura iserukiramuco rya Kigali Up aho aherutse gutumira icyamamare Habib Koite wo muri Mali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .