Theilvig yabaye umunya-Denmark wa mbere wegukanye iryo kamba, mu gihe igisonga cya mbere yabaye Chidimma Adetshina wo muri Nigeria, umaze igihe acunaguzwa ashinjwa kwigira Umunyafurika y’Epfo mu buryo bunyuranyije n’amategeko.

Chidimma Adetshina yabanje kwiyamamaza ashaka kwambikwa ikamba rya Miss South Africa, aza kuvamo nyuma y’amajwi menshi yavugaga ko ari umunya-Nigeria kuko ababyeyi be binjiye muri Afurika y’Epfo mu buryo bunyuranyije n’amategeko.

Yaje guhamarwa mu irushanwa ry’ubwiza muri Nigeria ari naho yaboneye itike imugeza muri Miss Universe.

Theilvig wambitswe ikamba afite imyaka 21, akaba asanzwe ari umubyinnyi, rwiyemezamirimo n’umunyamategeko. Yari ahanganye na bagenzi be 126.

Ikamba rya Miss Universe, Theilvig yaryambitswe na Sheynnis Palacios wo muri Nicaragua wari urisanganywe.

Mu iri rushanwa ryabaye ku mugoroba wo kuri uyu wa Gatandatu, abakobwa bagiye bahatana mu byiciro aho habanje gutoranywamo 30 bakomeza, bigera kuri 12 ndetse na batanu ba mbere aribo bavuyemo Miss Universe 2024.

Batanu ba mbere babajijwe ibibazo bitandukanye birimo ibijyanye n’imiyoborere n’ibindi.

Uretse Chidimma wabaye igisonga cya mbere, Maria Fernanda Beltran wo muri Mexique yabaye igisonga cya kabiri, akurikirwa na Suchata Chuangsri wo muri Thailand na Ileana Marquez Pedroza wa Venezuela.

Uyu Pedroza w’imyaka 28 ni umugore ufite abana, ari nabwo bwa mbere abarengeje imyaka 28 bari bemerewe guhatana muri iri rushanwa.

Thielvig ni we wambitswe ikamba rya Miss Universe

Byari ibyishimo kuri Thielvig wo muri Denmark ubwo yambikwaga ikamba

Umunya-Nigeria, Chidimma yabaye igisonga cya mbere

Geyssell García wa Nicaragua

Sakhile Dube wa Zimbabwe

Beatrice Njoya wa Malta ubwo yiyerekanaga

Emilia Dides wa Colombia mu mwambaro gakondo

Irene Mukii yari ahagarariye Kenya

Bolivia yari ihagarariwe na Juliana Barrientos

Emilia Dides wa Chile

Christina Chalk yari ahagarariye u Bwongereza

Ky Duyen Nguyen yari ahagarariye Vietnam

Selvinique Wright wa Bahamas ubwo yiyerekanaga mu myambaro idasanzwe

Magalí Benejam yari ahagarariye Argentine

Faith Landman wo mu Buholandi ubwo yiyerekanaga mu mwambaro gakondo

Maria Fernanda Beltran wa Mexique ubwo yiyerekanaga mu myambaro y'iwabo